އުމުރުން އެންމެ ތިން އަހަރުގެ އަކިޔަލް، ޓެސްޓިކަލް ސާޖަރީއަކަށް ފަހު ހާލަތު އިތުރަށް ގޯސްވަމުންދާތީ، އިތުރު ފަރުވާއަށް އިންޑިއާއަށް ފުރުމަށްޓަކައި އާންމުންގެ ދީލަތި އެހީތެރިކަމަށް އޭނާގެ އާއިލާއިން އެދިއްޖެއެވެ.
އާއިލާއިން މައުލޫމާތު ދިން ގޮތުގައި، ސާޖަރީއަށްފަހު އަކިޔަލްގެ ހާލަތު ވަރަށް ބޮޑަށް ދަށަށް ދިއުމާ ގުޅިގެން، އޭނާއަށް ފުރަތަމަ ފަރުވާދީފައިވަނީ އައްޑޫ އިކުއެޓޯރިއަލް ހޮސްޕިޓަލްގެ އައިސީޔޫގައެވެ. އަދި ހާލަތު އިތުރަށް ސީރިއަސްވުމުގެ ސަބަބުން، ދާދި ފަހުން އެއަރ އެމްބިއުލާންސްގައި އޭނާ ވަނީ މާލެ ގެނެސްފައެވެ. އައިޖީއެމްއެޗްގައި ފަރުވާދިނުމަށްފަހު މިހާރު ހޮސްޕިޓަލުން ދޫކޮށްލާފައިވީ ނަމަވެސް، ލަސްނުކޮށް ރާއްޖެއިން ބޭރުން އަވަސް ފަރުވާ ހޯދުމަށް ޑޮކްޓަރުން ވަނީ ލަފާދީފައެވެ.
އަކިޔަލްގެ މި ދަތުރަށް އާސަންދައާއި އެންސްޕާގެ އެހީތެރިކަން ހަމަޖެހިފައިވީ ނަމަވެސް، ފަރުވާއަށް އިންޑިއާގައި މަޑުކުރަން ޖެހޭނެ މުއްދަތެއް ސީދާ އެނގެން ނެތުމުން، އެހެނިހެން ޚަރަދުތަކަށް ފައިސާ ބޭނުންވެއެވެ. އިންޑިއާއިން ފަރުވާ ހޯދުމަށް ދާދި ފަހުން ވެސް ހޭދަކުރުމަށްފަހު ރާއްޖެ އަންނަން ޖެހުމުގެ ސަބަބުން، އާއިލާއަށް ވަނީ މާލީ ގޮތުން ބޮޑެތި ތަކުލީފުތަކަކާ ކުރިމަތިލާން ޖެހިފައެވެ. އެހެންކަމުން، މިހާރު އަލުން އިތުރު ފަރުވާއަށް ފުރަން ޖެހިފައިވާއިރު، މި ދަތި ދަނޑިވަޅުގައި އާއިލާއިން ވަނީ އާންމު ރައްޔިތުންގެ ދީލަތި މާލީ އެހީތެރިކަމަށް އެދިފައެވެ.
އަކިޔަލްގެ ފަރުވާއަށް ބޭނުންވާ ފައިސާ ހޯދުމަށް އެހީތެރިވެދިނުމުގެ ގޮތުން ”ހޯޕް އެލަޔަންސް“ (Hope Alliance) އެންޖީއޯގެ ފަރާތުން މިހާރު ވަނީ ހާއްސަ ފަންޑްރައިޒިންގ އިވެންޓެއް ބޭއްވުމަށް ނިންމާފައެވެ. މި އިވެންޓު ކުރިއަށްދާނީ އޮގަސްޓު މަހުގެ 22 ވާ ހޮނިހިރު ދުވަހު، ހުޅުމާލެ ފޭސް 2 ގެ ހިޔާޕާކް ސްޓޭޖް 1 ސަރަހައްދުގައެވެ.
އިންތިޒާމުކުރާ ފަރާތުންނާއި އާއިލާއިން އެދެނީ ވީހާވެސް ގިނަ އާންމު ރައްޔިތުން މި ހަރަކާތުގައި ބައިވެރިވެ، ކުޑަކުޑަ އަކިޔަލްއަށް އެހީތެރިކަމުގެ އަތެއް ދިއްކޮށްލުމަށެވެ. އަދި އަކިޔަލްއަށް އަވަސް ޝިފާއެއް މިންވަރުކޮށްދެއްވުން އެދި ހެޔޮދުއާ ކޮށްދިނުމަށް ވެސް އާއިލާއިން ވަނީ އެދިފައެވެ.
އެހީތެރިކަން ފޯރުކޮށްދިނުމަށް:
ބޭންކް އޮފް މޯލްޑިވްސް އެކައުންޓް (MVR):އެކައުންޓް ނަން: އެކައުންޓް ނަންބަރު:7730000741313
ބޭންކް އޮފް މޯލްޑިވްސް އެކައުންޓް (USD):އެކައުންޓް
އެކައުންޓް ނަންބަރު: 7730000741315
ނަން:Thoddoo Hope Alliance
