އެސްޓީއޯ ކޮންސްޓްރަކްޝަން ސޮލިޔުޝަންއިން މަކީޓާގެ އުފެއްދުންތަކަށް ހާއްސަކޮށްގެން ”ސަޅިއޭ މަކީޓާ“ ނަމުގައި ހާއްސަ ޕްރޮމޯޝަނެއް ފަށައިފިއެވެ. މި ޕްރޮމޯޝަން ކުރިއަށްދާނީ މިއަހަރުގެ ސެޕްޓެމްބަރު މަހުގެ 20 ވަނަ ދުވަހުގެ ނިޔަލަށެވެ.
އެއް މަސްދުވަހުގެ މުއްދަތަށް ކުރިއަށްދާ މި ޕްރޮމޯޝަންގައި ގުރުއަތުން އެއްވަނައަށް ހޮވޭ ނަސީބުވެރި ފަރާތަކަށް ބައިލައްކަ ރުފިޔާ ލިބިގެންދާނެއެވެ. ޕްރޮމޯޝަންގެ ގުރުއަތުލުން ބޭއްވޭނީ ޕްރޮމޯޝަން ނިމޭތާ ހަފްތާއެއްގެ ތެރޭގައި ކަމަށް އެ ކުންފުނިން ބުނެއެވެ.
މި ޕްރޮމޯޝަންގައި 1،000 ރުފިޔާއިން މަތިން ވިޔަފާރިކުރާ ކޮންމެ ފަރާތަކަށް ކޫޕަނެއް ލިބިގެންދާނެއެވެ. މީގެ އިތުރުން ކޮންމެ ހަފްތާއަކު އެންމެ ގިނައިން ވިޔަފާރިކުރައްވާ ކަސްޓަމަރުންނަށް ހާއްސަ އިނާމްތަކެއްވެސް ލިބިގެންދާނެއެވެ. އަދި ހޮވާލެވިފައިވާ ބައެއް ޕްރޮޑަކްޓްތަކުން 8 ޕަސެންޓުން ފެށިގެން 50 ޕަސެންޓާ ދެމެދުގެ ޑިސްކައުންޓެއް ލިބިގެންދާނެ ކަމަށް އެސްޓީއޯއިން ހާމަކުރެއެވެ.
މި ޕްރޮމޯޝަން ކުރިއަށްދާނީ މާލެ އަދި ހުޅުމާލޭގައި ހުންނަ މަކީޓާ ޝޯރޫމާއި ކޮންސްޓްރަކްޝަން ޝޯރޫމްގެ އިތުރުން ރީޖަނަލް ފިހާރަތަކުގައެވެ.
މިއީ ކޮންމެ އަހަރަކުވެސް އެސްޓީއޯ ކޮންސްޓްރަކްޝަން ސޮލިޔުޝަންގެ ފަރާތުން ކަސްޓަމަރުންނަށް މަކީޓާގެ އުފެއްދުންތައް އަގުހެޔޮކޮށް ފޯރުކޮށްދިނުމާއި، ކަސްޓަމަރުންނާ އޮންނަ ގުޅުން ހަރުދަނާ ކުރުމުގެ މަގްސަދުގައި ބާއްވަމުން އަންނަ ޕްރޮމޯޝަނެކެވެ. ފާހަގަކޮށްލެވޭ ގޮތުގައި، އެސްޓީއޯއިން މަކީޓާގެ އުފެއްދުންތައް ދިވެހި ބާޒާރަށް ތައާރަފްކޮށް ވިއްކަމުން އަންނަތާ މިހާރު 28 އަހަރު ވެއްޖެއެވެ.
