މާލޭގެ އާ ސަހަރާ މާރާމާތަށް ކަމަށް ބުނެ ކުރަން ކަމަށް ބަޔަކަށް ކުރިން ދިން ނަމަވެސް މަސައްކަތް ކުރިއަށް ނުގޮސް މަޑުޖެހިފައި އޮތުމަށް ފަހު ފިނިޝިން މަސައްކަތް ކުރަން އާ ބަޔަކަށް އިއްޔަ ހަވާލުކޮށްފިއެވެ.
މީހުންގެ ކަށުކަމާކެމީގެ ކަންކަން ކުރާ މިސްކިތާއި ސަހަރާ މަރާމާތަށް އެ ސަރަހައްދު ބަންދުކޮށް މަސައްކަތް ފެށީ މެއި، 2023 ގަ އެވެ. އެކަމަކު އެ ތަނުގައި ހުރި އިމާރާާތްތައް ތަޅާލުމާއި ކޮންކްރީޓް ތަނބުތަކެއް ޖެހުން ނޫން މަސައްކަތެއް ކުރެވިފައެއް ނުވެއެވެ.
މި މަޝްރޫއަށް ކައުންސިލުން އޭރު ފާސްކުރި ބަޖެޓަކީ 4.9 މިލިއަން ރުފިޔާއެވެ. މިހާރު ކުރެވިފައިވާ މަސައްކަތްތަކަށް، ކޮންޓްރެކްޓަރަށް 3.9 މިލިއަން ރުފިޔާ ދިނުމަށް ފަހު މަސައްކަތް އެއްކޮށް ނުނިމެނީސް ކޮންޓްރެކްޓް އޮތީ ބާތިލުކޮށްފައެވެ.
މާލެ ސިޓީ ކައުންސިލުން މިއަދު އެ މަސައްކަތް ނިންމަން ހަވާލުކުރީ ހައިމަން ކޮންސްޓްރަކްޝަން ޕްރައިވެޓް ލިމިޓެޑް ކިޔާ ކުންފުންޏަކާއެވެ. އެއީ 2 މަސް ދުވަހުގެ ތެރޭގައި ނިންމާ ގޮތަށް 2.7 މިލިއަން ރުފިޔާއަށެވެ.
