މާލެ ސަރަހައްދުގައި ހިންގާ ކުދި އަދި މެދުފަންތީގެ ވިޔަފާރިތަކަށް އެހީތެރިކަން ފޯރުކޮށްދިނުމުގެ މަގުސަދުގައި ބޭންކް އޮފް މޯލްޑިވްސް (ބީއެމްއެލް) އިން މައުލޫމާތު ދިނުމުގެ ހާއްސަ ބައްދަލުވުމެއް ބާއްވައިފިއެވެ.

Ads by

މި ބައްދަލުވުމަކީ ވިޔަފާރިވެރިން ބާރުވެރިކުރުވައި، ބޭންކުގެ އުފެއްދުންތަކަށް އަހުލުވެރިކުރުވުމުގެ މަގުސަދުގައި ބޭއްވި ބައްދަލުވުމެކެވެ. މި ބައްދަލުވުމުގައި ވިޔަފާރިތަކަށް ބޭނުންވާ މުހިންމު ބޭންކިންގ ހިދުމަތްތަކާ ގުޅޭގޮތުން އަމަލީ މައުލޫމާތު ހިއްސާކޮށްފައިވެއެވެ. އޭގެ ތެރޭގައި ވިޔަފާރި އެކައުންޓްތަކާއި، ބިޒްނަސް ކާޑުތަކުގެ އިތުރުން މާޗަންޓް ޕޭމަންޓް ޓޫލްސްތަކާ ބެހޭ މައުލޫމާތު ބައިވެރިންނަށް ވަނީ ދީފައެވެ. އަދި ޑިޖިޓަލް ޕޭމަންޓްތަކަށް ހާއްސަ ”އަލިޕޭ+“ ފަދަ ޒަމާނީ ހިދުމަތްތައް ބޭނުންކުރާނެ ގޮތްތަކުގެ ލައިވް ޑެމޮންސްޓްރޭޝަންތައް ވެސް މި ބައްދަލުވުމުގައި ދައްކާލާފައިވެއެވެ.

BML for Business 🙌

Yesterday, we held an interactive session for small businesses across the Greater Male’ Area. The session covered Business Banking, Business Cards, Merchant Solutions, product demonstrations and ended with an engaging Q&A session with the businesses.

Thanks… pic.twitter.com/PmSoaxbnD0

— Bank of Maldives (@bankofmaldives) August 17, 2026

ބީއެމްއެލްއިން ހާމަކުރި ގޮތުގައި، މި ސެޝަނުގެ މައިގަނޑު މަގުސަދަކީ ވިޔަފާރިތައް ކުރިއެރުވުމަށް ބޭނުންވާ ބޭންކިންގ އުފެއްދުންތަކަށް ވިޔަފާރިވެރިންގެ ލޯހުޅުވައިދިނުމެވެ. އަދި އެފަދަ ހިދުމަތްތައް ފަސޭހަކަމާއެކު ލިބިގަނެވޭނެ މަގު ފަހިކޮށްދިނުމަކީ ވެސް ބީއެމްއެލްގެ އަމާޒެއް ކަމަށް އެ ބޭންކުން ބުނެފައިވެއެވެ.

މި ބައްދަލުވުމަކީ މާލެ ސަރަހައްދުގައި ހިންގާ ކުދި އަދި މެދުފަންތީގެ ވިޔަފާރިތައް ކުރިއަރުވައި، ވިޔަފާރިތައް އިތުރަށް ހަރުދަނާކުރުމަށް ބީއެމްއެލްއިން ކުރަމުންދާ މަސައްކަތްތަކުގެ ތެރެއިން ބޭއްވި މުހިންމު ބައްދަލުވުމެކެވެ. ބީއެމްއެލްއަކީ ރާއްޖޭގެ ކުދި އަދި މެދުފަންތީގެ ވިޔަފާރިތަކަށް އެހީތެރިވުމުގައި ވަރަށް މުހިއްމު ދައުރެއް އަދާކުރާ އެއް ބޭންކުކަން ފާހަގަކޮށްލަންޖެހެއެވެ. އެގޮތުން މިފަދަ ބައްދަލުވުންތަކާއި މައުލޫމާތު ސެޝަންތައް ރާއްޖޭގެ އެކި ސަރަހައްދުތަކުގައި އެ ބޭންކުން ބާއްވަމުންދެއެވެ.

މި ސެޝަނުގެ ސަބަބުން ވިޔަފާރިތަކުގެ މާލީ މުއާމަލާތްތައް އިތުރަށް ހަރުދަނާވެ، ޒަމާނީ ވަސީލަތްތަކުގެ ބޭނުން ހިފުމަށް މަގުފަހިވާނެ ކަމަށް ބެލެވެއެވެ.