ހޮރްމޫޒް ކަނޑުއޮޅިން ދަތުރުކުރަމުންދާ އުޅަނދުތަކަކަށް އަމާޒުކޮށް ދެމުންދާ ޙަމަލާތަކާ ގުޅިގެން، އެ ކަނޑުއޮޅިން ދަތުރުކުރާ އާންމު ވިޔަފާރި އުޅަނދުފަހަރުގެ ދަތުރުފަތުރު ވަނީ ގާތްގަނޑަކަށް މުޅިން ހުއްޓުމަކަށް އައިސްފައެވެ. ޔޫއޭއީގެ އޭޑީއެންއޯސީއާ ގުޅުންހުރި ތިންވަނަ ތެޔޮ ބޯޓަށް ޙަމަލާދީފައިވާއިރު، ޔޫކޭއެމްޓީއޯއިން ވަނީ ގަލްފުގެ ސަރަހައްދުން ދަތުރުކުރި ބަލްކް ކެރިއަރަކަށް މިސައިލް ޙަމަލާއެއް އަމާޒުވެފައިވާކަން ކަށަވަރުކޮށްދީފައެވެ.
ކަނޑުއޮޅި ބަންދުވުމުގެ ބިރު ބޮޑުވެ، ތެޔޮ އެކްސްޕޯޓްކުރުން މަޑުޖެހުމާ ގުޅިގެން ދުނިޔޭގެ ބާޒާރުގައި ސާފުނުކުރާ ތެލުގެ އަގު ވަނީ ހަފްތާއެއްގެ ތެރޭގައި 6 އިންސައްތައަށް އުފުލިފައެވެ. އިންޝުއަރެންސް އަގުތައް އިންތިހާއަށް މަތިވުމުގެ ސަބަބުން ގިނަ ކުންފުނިތަކުން ވަނީ އެ ސަރަހައްދުން ދަތުރުކުރުން ވަގުތީގޮތުން މެދުކަނޑާލާފައެވެ.
