ނިމިދިޔަ އެމްޑީޕީގެ 5 އަހަރުގެ ދައުރުގައި ޤައުމުގެ ހަރުމުދާ ރަހުނުކޮށް، ދިވެހިރާއްޖެ ބިލިއަނުން ދަރުވާލާ، ބަނގުރޫޓުކުރުމުގެ އެއް މޭސްތިރިޔާ ކުރީގެ ރައީސް އިބްރާހިމް މުޙައްމަދު ސޯލިހު ވެސް 2028 ވަނަ އަހަރު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި އެމްޑީޕީގެ ފަރާތުން ވާދަކުރާނެ ކެންޑިޑޭޓަކު ހޮވުމަށް ބާއްވާ ރިޔާސީ ޕްރައިމަރީގައި ވާދަކުރެއްވުމަށް ނިންމަވައިފިއެވެ.
މީގެކުރިން ބޭއްވި އެކި އިންޓަވިއުތަކުގައި، ރިޔާސީ އިންތިޚާބުގައި ވާދަކުރެއްވުމާ މެދު ވަކި ގޮތެއް ނުނިންމަވާ ކަމަށް ރައީސް ސޯލިހް ވިދާޅުވެފައިވީ ނަމަވެސް، އެމަނިކުފާނު މިހާރު ވަނީ ޕްރައިމަރީގައި ވާދަކުރެއްވުމަށް ނިންމަވާފައެވެ. މީޑިއާ ރިޕޯޓްތައް ބުނާގޮތުގައި މި ނިންމެވުން ނިންމެވީ އިއްޔެ އެމަނިކުފާނުގެ އަރިސް އެމްޑީޕީގެ ޓީމަކާއެކު ބޭއްވެވި ބައްދަލުވުމަކަށް ފަހުގައެވެ. މީގެ އިތުރުން މިކަމާ ގުޅޭގޮތުން އެމަނިކުފާނު ވަނީ އެމްޑީޕީގެ ލީޑާޝިޕްގެ ބައެއް އިސް ބޭފުޅުންނާ ވެސް މަޝްވަރާ ކުރައްވާފައެވެ.
އެހެންނަމަވެސް، ޕްރައިމަރީގައި ވާދަކުރެއްވުމަށް ރައީސް ސޯލިހް ނިންމެވި ނަމަވެސް، އެމަނިކުފާނު އަދި މިކަން ރަސްމީކޮށް އާންމުކޮށް އިއުލާނެއް ނުކުރައްވައެވެ.
އިބްރާހިމްގެ ވެރިކަމަކީ ފަހުގެ ތާރީޚެއްގައި ދިވެހިރާއްޖެ ދުށް އެންމެ އަނދިރި ވެރިކަމޭ ބުނުމުން ދޮގަކަށް ނުވާނެއެވެ. ދިވެހިރާއްޖޭގެ މިނިވަންކަމާ އިސްތިޤުލާލަށް އަރައިގަނެ، މުޅި ދުނިޔޭގެ ކުރިމަތީގައި ރާއްޖޭގެ އަގު ވައްޓާލުމާއި، އިސްލާމްދީނާއި، ޚިލާފު އެތައް އެތައް ކަމެއް އޭނާގެ ވެރިކަމުގައި ދިވެހިން ތަޖުރިބާކުރަން ޖެހުނެވެ. މިއަދު އެ ހަނދާން ނެތީ ކަމަށްވެދާނެއެވެ. ނުވަތަ ހިތުން އެކުރެވުނީ މާމޮޅު ވެރިކަމެއްކަމުގައި ހީވެ އަލުން ދިވެހިން ގުނބޯ ހައްދަން ބޭނުންފުޅުވީއެވެ.
އެމްޑީޕީގެ ރިޔާސީ ޕްރައިމަރީގައި ރައީސް ސޯލިހްގެ އިތުރުން ދެން ވާދަކުރައްވާނެ ކަމަށް ބެލެވެނީ އެ ޕާޓީގެ ރައީސް އަބްދުﷲ ޝާހިދާއި ފައްޔާޒް އިސްމާއީލެވެ. މީގެ ތެރެއިން އަބްދުﷲ ޝާހިދު މިހާރުވެސް ޕްރައިމަރީއަށް އަމާޒުކޮށް ކެމްޕެއިން ހަރަކާތްތައް ހިންގަވަމުން ގެންދަވާއިރު، ޝާހިދު ވެސް އަދި ރަސްމީކޮށް އެކަން އިއުލާނެއް ނުކުރައްވައެވެ.
ދެން ނެތްތަ އިތުރަަޢް ހަދާނެ ދޮގެއް, ރަޢްތަކަޢް އަރާ އަހާލަބަލަ, ތި ތާއީދު ކުރާ މީހާތޯ ރަނގަޅީ, އިބޫތޯ ރަނގަޅީ.