މާލޭ ސްކޫލްތަކަށް ދަރިވަރުން ވެއްދުމަށް ހުޅުވާލި ފުރުސަތު އެޑިއުކޭޝަން މިނިސްޓްރީން އިތުރުކޮށްފިއެވެ.
އެޑިއުކޭޝަން މިނިސްޓްރީގެ ރަސްމީ ”އެކްސް” އެކައުންޓުންގައި ކުރި ޕޯސްޓެއްގައި ބުނެފައިވަނީ، މާދަމާ އިން ފެށިން ބުރާސްފަތި ދުވަހުގެ މެންދުރުފަހު 2:00 ގެ ނިޔަލަށް މާލޭ ސަރަހައްދުގެ ސްކޫލުތަކަށް އަލަށް ދަރިވަރުން ވެއްދުމުގެ މުއްދަތު އިތުރު ކުރުމަށް ނިންމާފައިވާ ކަމަށެވެ.
އެއް ސުކޫލުން އަނެއް ސުކޫލަށް ބަދަލު ކުރުމުގެ ފޯމު ހުށަހެޅުމުގެ މިނިސްޓްރީން ހުޅުވާލާފައިވަނީ ސަރުކާރު ސުކޫލެއްގެ ފައުންޑޭޝަން ސްޓޭޖްގެ ކުލާހަށް ވައްދަން ބޭނުންވާ ދަރިވަރުންނަށާއި، ގްރޭޑް އެކަކަށް އަލަށް ވައްދަން ބޭނުންވާ ދަރިވަރުން އަދި ޕްރައިވެޓް ސުކޫލަކުން ސަރުކާރު ސުކޫލަކަށް ބަދަލުވާން ބޭނުންވާ ދަރިވަރުންގެ އިތުރުން ރާއްޖެއިން ބޭރުގެ ގައުމެއްގައި އުޅެފައި ރާއްޖެއަށް ބަދަލުވެ، ސަރުކާރު ސުކޫލަކަށް ވަންނަން ބޭނުންވާ ދަރިވަރުންނަށެވެ.
ލޭޓް އެޑްމިޝަންއަށް ހުޅުވާލުން.
ފޯމު ހުށައެޅުއްވުމަށް 👇https://t.co/prRls7KOXa pic.twitter.com/wbJOAH9RDT— Ministry of Education (@MoEdumv) May 13, 2024
މާލެ ސަރަހައްދުތަކުގެ ސުކޫލުތަކަށް އަލަށް ގްރޭޑު އެކަކަށް ދަރިވަރުން ވެއްދުމަށް އެދި އެކަނިވެސް 2000 އަށް ވުރެ ގިނަ ފޯމު ލިބިފައިވާ ކަމަށް މިނިސްޓްރީން ވަނީ މީގެ ކުރިން ހާމަކޮށްފައެވެ.
