ދިޔަމިގިލީ އަދި ހުރަވީ ރަސްދަރިކޮޅާ ގުޅުންހުންނެވި، އޮނަރަބްލް ފަޟީލަތުއްޝައިޚު އަޙުމަދު ޝާޠިރުގެ ދަރިކަނބަލުން ޤުލްފިޝާން ޝާޠިރު ޑުބާއީގައި އަވަހާރަވެއްޖެއެވެ.
އެކަމަނާއަކީ މަންމާފުޅުގެ ފަރާތްޕުޅުންނާއި ބައްޕާފުޅުގެ ފަރާތްޕުޅުން ވެސް ހުރަވީ އަދި ދިޔަމިގިލީ ރަސްދަރިކޮޅާ ގުޅިފައިވާ ބޭފުޅެކެވެ.
ޤުލްފިޝާން ޝާޠިރަކީ ކުރީގެ މަޖިލިސް ރައީސް އަދި ދީނީ އިލްމުވެރިޔާ އޮނަރަބްލް ފަޟީލަތުއްޝައިޚު އަޙުމަދު ޝާޠިރާއި، އައްނަބީލާ ޖަމީލާ އިބްރާހީމް ދީދީގެ ދަރިކަނބަލެކެވެ.
އެކަމަނާގެ ބައްޕާފުޅު ޝައިޚު އަޙުމަދު ޝާޠިރަކީ ރައްޔިތުންގެ މަޖިލީހުގެ ރައީސްކަމާއި، މިނިސްޓަރ އޮފް ސްޓޭޓް ފޮރ ރިލިޖަސް އެފެއާޒްގެ މަގާމުގެ އިތުރުން އިސްލާމީ މަރުކަޒުގެ އިމާމުކަން ވެސް ކުރައްވާފައިވާ ބޭފުޅެކެވެ.
އެކަމަނާގެ ކާފާފުޅަކީ ފުވައްމުލަކު އަމީރު އިބްރާހީމް ފާމުލަދޭރިކިލެގެފާނުގެ ދަރިކޮޅުގެ ބޭފުޅެއް ކަމުގައިވާ ފުރަމާލެ އައްނާއިބު މޫސާ ދީދީއެވެ.
