އިދިކޮޅު އެމްޑީޕީއާ އަޅާބަލާއިރު ކޮންމެ ވަގުތަކުވެސް އިހުތިޔާރު ކުރައްވާނީ މިހާރުގެ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކަމަށް ކުރީގެ ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެއެވެ.
ޕީޕަލްސް ނޭޝަނަލް ފްރަންޓް އިން ރޭ ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ، އަހަރުގެ ކޮންމެ ދުވަހެއްގެ ކޮންމެ ވަގުތެއްގައިވެސް އެމްޑީޕީއަށްވުރެ ބޮޑަށް އެމަނިކުފާނު ހިޔާރުކުރައްވާނީ ރައީސް ޑރ. މުއިއްޒު ކަމަށެވެ. އެ މަނިކުފާނު މިހެން ވިދާޅުވީ އެމްޑީޕީގެ ވެރިކަމުގައި ހިނގާފައިވާ ކަންކަމަށް ފާޑުވިދާޅުވަމުންނެވެ.
”އަދިވެސް އެނީޓައިމް އޮފް ދަ ޑޭ, އެނީޓައިމް އޮފް ދަ އިޔާ އަޅުގަނޑު ޗޫޒް ކުރާނީ މުއިއްޒު އިނގޭތޯ އެމްޑީޕީގެ މައްޗަށް. އެމްޑީޕީގެ މައްޗަށް އަޅުގަނޑު ޗޫޒް ކުރާނީ މުއިއްޒު އިނގޭތޯ. އެމްޑީޕީން ރާއްޖޭގެ ހުރިހާ މުއައްސަސާތައް، ކޮބައިތޯ މުޅި ފަނޑިޔާރުގެ ބަދަލުކޮށްލަން ކުރި މަސައްކަތް؟ ޖޭއެސްސީ ހުޅުވައިގެން ރޭގަނޑު ދަންވަރު ކުރި ކަންތައް ކޮބައިތޯ؟“ ޔާމީން ވިދާޅުވިއެވެ.
އެމްޑީޕީއަކީ ޑިމޮކްރަސީގެ އަސާސްތަކަށް ފާޅުގައި އަރައިގަތް ބައެއްގެ ގޮތުގައި ސިފަކުރައްވަމުން ޔާމީން ވިދާޅުވީ، ހަމައެކަނި ނަމެއްގައި ޑިމޮކްރެޓިކް ވުމަކުން އެއީ ޑިމޮކްރަސީއަށް ނުވާނެ ކަމަށެވެ. އެގޮތުން އެމްޑީޕީގެ ސަރުކާރުން ރާއްޖޭގެ މުއައްސަސާތަކަށް އަތްބާނައި، ފަނޑިޔާރުގެ ބަދަލުކޮށްލަން މަސައްކަތްކޮށްފައިވާ ކަމަށް އެމަނިކުފާނު ތުހުމަތު ކުރެއްވިއެވެ.
ރާއްޖޭގެ ދީނީ އަދި ސިޔާސީ އޮނިގަނޑާ ބެހޭގޮތުން ވާހަކަދައްކަވަމުން ޔާމީން ވިދާޅުވީ ރާއްޖެއަކީ އިސްލާމީ ދައުލަތަކަށް ވާއިރު، މި ގައުމުގައި އޮންނަންވާނީ ރާއްޖެއާ ގުޅޭފަދަ ނިޒާމެއް ކަމަށެވެ. އަދި ޑިމޮކްރަސީއަކީ އަބަދުވެސް ބަދަލުވަމުންދާ އެއްޗަކަށް ވާންޖެހޭނެ ކަމަށް އެމަނިކުފާނު ގަބޫލުފުޅު ކުރައްވައެވެ.
މީގެއިތުރުން، ރައްޔިތުންގެ މަޖިލީހުގެ މެންބަރުންނަކީ ތައުލީމީ ބަޔަކަށް ވާން ނުޖެހޭ ކަމަށް އެމްޑީޕީގެ އިސް ފަރާތަކުން ވިދާޅުވި ވިދާޅުވުމަށް ޔާމީން ވަނީ ރައްދު ދެއްވާފައެވެ. އެ މަނިކުފާނު ވިދާޅުވީ ކޮރަޕްޝަން ފަދަ ނޭދެވޭ ކަންކަން ހުއްޓުވުމަށް އެންމެ މުހިންމީ އިލްމު ކަމަށާއި، އިލްމީ ބަޔަކު ތިބޭނަމަ ކޮރަޕްޝަންގެ އަމަލުތައް ހިންގުމަށް ޖެހިލުންވާނެ ކަމަށެވެ.
ރައީސް ޔާމީން ބަލައެއް ނުގަނެވޭ ދައްކާ އެވެސް ވާހަކައެއް ކަލެއެކޭ ރައިސް ނަޝޑީދެކޭ ކޮބާ ތަފާތެއް ރައީޢް
ނަޝީދު ވެސް ރައީސް އިބްރާހީމް ކަމުނުދިޔަ މާދަމާ ބުނާނެ މުއިއްޒު ނޫން ޔާމީނުނޫން ކޮންމެ މީހަކުވެސް އޯކޭ އޭ
ކަލޭ ވެސް ތިބުނަނީ އެމްޑީޕީ ނޫން ކޮންމެ ގޮތެއް ވެސް އޯކޭޔޭ މުއިޒުވެސް އޯކޭ އެކަމަކު މުއިއްޒުގެ ސަރުކާރު ކަލައެޔައް ކަޑައީ ދޯ