ކެފޭއެއްގެ ބަދިގެއެއްގެ ދުން ހޮޅިން ދުން ލީކުވެ ހަތް މީހަކަށް ފަރުވާ ދޭން ފަށައިފިއެވެ.
Ads by MN Maldives
ފުލުހުން ބުނެފައިވަނީ ދުން ލީކުވީ ބޮޑުރަސްގެފާނު މަގުގައި ހުރި ކެފޭއެއްގެ ބަދިގޭގެ ދުންހޮޅިން ކަމަށެެވެ. އަދި ދުން ލީކުވުމާއެކު ހަތް މީހުން އަނބުރައިގަނެގެން ހޮސްޕިޓަލަށް ގެންދިޔަ ކަމަށް ފުލުހުން މަޢުލޫމާތު ދީފައިވެއެވެ.
ފުލުހުން އިތުރަށް ބުނީ އެކަން ރިޕޯޓްކޮށްފައި ވަނީ މިއަދު ހެނދުނު 6 ޖަހާކަންހާއިރު ކަމަށެވެ.
އެ ހާދިސާގައި ހޮސްޕިޓަލަށް ގެންދިޔައީ ސްރީލަންކާ މީހަކާއި އިންޑިއާ މީހަކާއި ބަންގްލަދޭޝް 2 މީހުންގެ އިތުރުން ނޭޕާލް 3 މީހުންް ކަމަށް ފުލުހުން ބުނެއެވެ. އަދި އެއްވެސް މީހެއްގެ ހާލު ސީރިއަސް ނޫން ކަމަށާއި އެ މައްސަލަ މިހާރު ބަލަމުންދާ ކަަމަށް ފުލުހުން ބުނިއެވެ.
.
