އޮމާން މެދުވެރިކޮށް ހޮރްމޫޒް ކަނޑުއޮޅީގެ ސުލްޙައިގެ އެއްބަސްވުން ގާތްވެފައިވަނިކޮށް، އީރާނުގެ މަޖިލީހުން ވަނީ އެ ކަނޑުއޮޅިން ދަތުރުކުރާ އުޅަނދުފަހަރަށް ފިޔަވަޅު އެޅުމާ ގުޅޭ ބިލެއްގެ މަސައްކަތް ފަށާފައެވެ. މި ބިލުގެ ދަށުން އެމެރިކާ، އިޒްރޭލު އަދި އީރާނާ ދެކޮޅު ”ޢަދާވާތްތެރި ޤައުމުތަކުގެ“ ދެކޮޅަށް ދަތުރުކުރާ ނުވަތަ އެ ޤައުމުތަކުގެ ދިދަ ނަގާފައިވާ އުޅަނދުފަހަރު ހޮރްމޫޒް ކަނޑުއޮޅިއަށް ވަނުން މަނާކުރާނެއެވެ. އެހެން އާންމު މުދާ އުފުލާ އުޅަނދުފަހަރުގެ އަތުން މުދަލުގެ އަގުގެ 7 އިންސައްތަ ”ކަނޑުއޮޅި ރައްކާތެރިކުރުމުގެ ފީ“ ގެ ގޮތުގައި ނެގުމަށް ބިލުގައި ވަނީ ހުށަހަޅާފައެވެ.
ވައިޓް ހައުސްއިން ވަނީ މި ބިލު ވަގުތުން ބާޠިލްކޮށް، ހޮރްމޫޒް ކަނޑުއޮޅިއަކީ ބައިނަލްއަޤްވާމީ ކަނޑުގެ ސަރަހައްދެއް ކަމަށާއި، އެއްވެސް ފަރާތަކުން ޓެކްސް ނެގުމަށް ނުވަތަ ދަތުރުފަތުރަށް ހުރަސްއެޅުމަށް ފުރުޞަތު ނުދޭނެކަމަށް ބުނެފައެވެ.
