ޕީޕަލްސް ނޭޝަނަލް ކޮންގްރެސް (ޕީއެންސީ) ގެ އަސާސީ ޤަވާއިދަށް ގެނައުމަށް ހުށަހެޅުނު މުހިންމު އިސްލާޙުތައް، އެ ޕާޓީގެ މެންބަރުންގެ މަޖިލީހުގެ ފުރިހަމަ އިއްތިފާޤުން ފާސްކޮށްފިއެވެ.
މި އިސްލާޙުތައް ފާސްކޮށްފައިވަނީ ރޭ ބޭއްވުނު ޕީއެންސީގެ މެންބަރުންގެ މަޖިލީހުގެ ބައްދަލުވުމުގައެވެ. މި ބައްދަލުވުމުގައި ބައިވެރިވެވަޑައިގެންނެވި 112 މެންބަރުންގެ އިއްތިފާޤުން އަސާސީ ޤަވާއިދަށް ގެނެވުނު އިސްލާޙުތައް ފާސްވުމާއެކު، ބައްދަލުވުމުގެ ހުރިހާ މެންބަރުން ވަނީ އެ ނިންމުމަށް މަރުޙަބާ ކިޔާފައެވެ.
އަސާސީ ޤަވާއިދަށް އިސްލާޙު ގެނައުމުގެ އިތުރުން، އަންނަ ސެޕްޓެމްބަރު މަހު ބޭއްވުމަށް ތައްޔާރުވަމުންދާ އެޕާޓީގެ މަތީ މަޖިލީހުގެ ބައްދަލުވުން އިންތިޒާމުކުރުމާ ގުޅޭގޮތުން ވެސް މި ބައްދަލުވުމުގައި ފުޅާ ދާއިރާއެއްގައި މަޝްވަރާ ކުރެވުނު ކަމަށް ޕީއެންސީން މަޢުލޫމާތު ދެއެވެ. ޕީއެންސީން މައުލޫމާތު ދޭ ގޮތުގައި، މި ބައްދަލުވުންތަކަކީ ޕާޓީގެ ހިންގުން ހަރުދަނާކޮށް، ކުރިއަށް އޮތް ތަނުގައި ޕާޓީގެ ހަރަކާތްތައް ފުޅާކުރުމަށް އެޅޭ މުހިންމު ފިޔަވަޅެއް ކަމުގައި ޕީއެންސީން ބުނެއެވެ.
ކޮންގްރެސް ޕާޓީގެ މެންބަރުންގެ މަޖިލީހުގެ ބައްދަލުވުމުގެ ތެރެއިން. މި ބައްދަލުވުމުގައި ކޮންގްރެސް ޕާޓީގެ އަސާސީ ޤަވާއިދަށް ގެނެވުނު ބައެއް އިސްލާހުތައް ފާސް ކުރުމާއި، ސެޕްޓެމްބަރ މަހު ބޭއްވުމަށް ހަމަޖެހިފައިވާ ޕާޓީގެ މަތީ މަޖިލީހުގެ ބައްދަލުވުން އިންތިޒާމް ކުރުމާ ގުޅޭ ގޮތުން… pic.twitter.com/HGVbhz3Rn3
— PNC Secretariat (@pnc_secretariat) August 6, 2026
ސަރުކާރު ހިންގާ މައި ޕާޓީ ޕީއެންސީގެ މި ނިންމުންތަކަކީ ޕާޓީގެ އެތެރޭގެ ޑިމޮކްރަސީ ވަރުގަދަކޮށް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސިޔާސަތުތަކާ އެއްގޮތަށް ޕާޓީ ކުރިއަށް ގެންދިއުމަށް ލިބުނު ބޮޑު ބާރެއްގެ ގޮތުގައި އެ ޕާޓީން ސިފަކުރެއެވެ.
