ދެކުނު ޗައިނާ ކަނޑާއި އިންޑޯ-ޕެސިފިކް ސަރަހައްދުގެ ބާރު ސީދާ އެއްވެސް ޤައުމަކުން ނެގިޔަ ނުދޭނެކަމަށާއި، ޗައިނާގެ ނުފޫޒަށް އެމެރިކާއިން ފުރުސަތު ނުދޭނެކަމަށް އެމެރިކާގެ އިންޑޯ-ޕެސިފިކް ކޮމާންޑުގެ އިސް ވެރިޔާ އެޑްމިރަލް ސެމިއުލް ޕާރޯ އިންޒާރު ދީފިއެވެ.
މެލޭޝިއާގައި ބޭއްވި ސަރަހައްދީ ސަލާމަތީ ބައްދަލުވުމެއްގައި ވާހަކަދައްކަމުން އެޑްމިރަލް ޕާރޯ ވަނީ، ޗައިނާއިން ޤާނޫނު ބޭނުންކުރަނީ ބާރުވެރިކަން ދެއްކުމުގެ ”ހަތިޔާރެއްގެ“ ގޮތުގައި ކަމަށް ތުހުމަތުކޮށްފައެވެ. މީގެ އިތުރުން ދެކުނު ޗައިނާ ކަނޑުގައި ޗައިނާއިން ކުދި ޤައުމުތަކަށް (ޚާއްޞަކޮށް ފިލިޕީންސްއަށް) ބިރުދައްކައި، ދަތުރުފަތުރަށް ހުރަސްއަޅަމުންދާ ކަން އޭނާ ފާހަގަކުރިއެވެ.
އެމެރިކާއިން މަސައްކަތް ކުރަނީ ކުރިމަތިލުމަކަށް ނުގޮސް، ވަރުގަދަ އަސްކަރީ ބާރަކާއެކު ޗައިނާގެ ޙަމަލާތައް ހުއްޓުވައި، ފުޅާދާއިރާއެއްގައި ކަނޑު ދަތުރުފަތުރުގެ މިނިވަންކަން ރައްކާތެރިކުރުމަށް ކަމަށް އޭނާ ބުންޏެވެ.
