އީރާނުގެ ކަރަންޓު ނެޓްވޯކާއި ހަކަތައިގެ މަރުކަޒުތަކަށް އަމާޒުކޮށް، ހަނގުރާމައިގެ މިހާތަނަށް ދެވޭނެ އެންމެ ބޮޑު ގުޅިފައިވާ ވައިގެ ޙަމަލާ ދިނުމަށް އިސްތިއުމާރީ ބާރުތައް ކަމަށްވާ އެމެރިކާ އާއި އިޒްރޭލުން ތައްޔާރުވަމުންދާކަން އެމެރިކާގެ ދިފާއީ މަސްއޫލުވެރިން ކަށަވަރުކޮށްދީފިއެވެ.
ކޭމްޕް ޑޭވިޑްގައި ރައީސް ޑޮނަލްޑް ޓްރަމްޕް ބޭއްވި ކެބިނެޓް ބައްދަލުވުމަކަށްފަހު، އެމެރިކާ އާއި އިޒްރޭލުގެ އަސްކަރީ ކޮމާންޑަރުން ވަނީ ތެހެރާން ހިމެނޭ ގޮތަށް އީރާނުގެ ބޮޑެތި ސިޓީތަކުގެ ކަރަންޓު ނެޓްވޯކްތައް އެއްކޮށް ހުއްޓުވާލުމަށް ރޭވުންތައް އެކުލަވާލާފައެވެ. މި ޙަމަލާތައް ރޭވުމުގެ މައިގަނޑު ސަބަބަކީ ހޮރްމުޒް ކަނޑުއޮޅިން ދަތުރުކުރާ އާންމު ތެޔޮ އުޅަނދުފަހަރަށް އީރާނުން ދެމުންދާ ޙަމަލާތަކާއި، އެ ކަނޑުއޮޅި ބަންދުކުރުމަށް ކުރަމުންދާ މަސައްކަތްތަކަށް ރައްދު ދިނުމެވެ. މި އޮޕަރޭޝަނުގައި އެމެރިކާގެ ބީ-2 ސްޓެލްތު ބޮމާ ބޯޓުތަކާއި، އިސްރާއީލުގެ އެފް-35 ޖެޓްތައް ބޭނުންކުރުމަށް ވަނީ ހަމަޖެހިފައެވެ.
