މޯލްޑިވްސް ފިލްމް އެސޯސިއޭޝަން (އެމްއެފްއޭ) ގެ ޗެއާޕާސަންއަކަށް އެކްޓަރު އަބްދުﷲ މުއާޒް (މުއާ) އިންތިހާބުވެއްޖެއެވެ.
އެމްއެފްއޭގެ ޗެއާޕާސަންގެ މަގާމަށް މުއާ އިންތިހާބުވީ އެމަގާމަށް ކުރިމަތިލުމުގެ ފުރުސަތު ހުޅުވާލުމުން މުއާ ފިޔަވާ އެހެން މީހަކު އެމަގާމަށް ކުރިމަތިލާފައިނުވާތީ އެވެ.
މުއާ ވަނީ 2015 އިން 2016 އާ ހަމަ އަށް އެފްއެމްއޭގެ ވައިސް ޗެއާޕާސަންކަން ވެސް ކޮށްފަ އެވެ.
މުއާ މީގެކުރިން ވަނީ ނެޝަނަލް ސެންޓަ ފޯ ދި އާޓްސް (އެންސީއޭ)ގެ ސީނިއާ އެގްޒެކިޓިވް ޑިރެކްޓަރެއްގެ ގޮތުގައިވެސް މަސައްކަތްކޮށްފަ އެވެ.
އެމްއެފްއޭގެ ޗެއާޕާސަން މަގާމު ހުސްވީ އެ މަގާމުގައި ހުންނެވި މުޙައްމަދު ނަޝީދު (ބޭބީ) މި އަހަރުގެ ފެބުރުއަރީ 18 ވަނަ ދުވަހު ނިޔާވުމާ ގުޅިގެންނެވެ.
