ގައުމީ އެއާލައިން މޯލްޑިވިއަންއިން ގަނެފައިވާ އޭޓީއާރް މަރުކާގެ 4 ވަނަ ފްލައިޓް ރާއްޖެ ގެނެސްފިއެވެ.
މޯލްޑިވިއަންއިން ބުނީ، މިފްލައިޓް ރާއްޖެ ގެނެސްފައިވަނީ މިއަދު ކަމަށެވެ. އަދި ފްލައިޓް އޮޕަރޭޝަނަށް ނެރޭނެ ކަމަށާއި، އެ ބޯޓު ރާއްޖެ ގެނައުމުގެ ކުރިން ފްރާންސްގައި ޓެސްޓް ފްލައިޓްތައް ކުރިއަށް ގެންގޮސްފައިވާ ކަމަށް މޯލްޑިވިއަންއިން ބުނެފައިވެއެވެ.
ފްލައިޓް ރާއްޖެ ގެނެސް ބޭއްވި ރަސްމިއްޔާތުގައި އެ ކުންފުނީގެ މެނޭޖިންގް ޑިރެކްޓާ އިބްރާހިމް އިޔާސް ވިދާޅުވީ، އޭޓީއާރްގެ ސަބަބުން އެ ކުންފުނިން ދެމުންދާ ހިދުމަތްތަކަށް ބޮޑެތި ފަސޭހަތަކެއް އަންނާނެ ކަމަށެވެ. އަދި މި ފްލައިޓްތަކަކީ ފަސިންޖަރުންނަށް އަރާމު، އަޑު މަޑު ފްލައިޓްތަކެއްކަން އިޔާސް ފާހަގަކުރެއްވިއެވެ.
Celebrating the succesful addition of 4th ATR to our fleet. We would like to extend our heartfelt gratitude to everyone involved in this event. #4thATR #Maldivian pic.twitter.com/wn9Pk3r2qr
— MaldivianAero (@MaldivianAero) May 8, 2024
މިހާރު އާޓީއާރް މަރުކާގެ ތިން ބޯޓު ބޭނުން ކުރަމުންދާއިރު، ތިން ވަނަ ބޯޓު ރާއްޖެ ގެނެސްފައި ވަނީ މިދިޔަ އަހަރު އޭޕްރިލް މަސް ތެރޭގައެވެ. މޯލްޑިވިއަން އިން ވަނީ އޭޓީއާރް-42-600ގެ އިތުރު ދެ ފްލައިޓް ރާއްޖެ ގެނައުމަށް އެއްބަސްވުމުގައި ސޮއިކޮށްފައެވެ.
