އެމްނެސްޓީ އިންޓަނޭޝަނަލްއިން ނެރުނު އައު ރިޕޯޓެއްގައި ބުނެފައިވާ ގޮތުން، އިޒްރޭލުން ޣައްޒާގައި ހިންގަމުންދާ ނަސްލުހޭދުގައި ބޭނުންކުރާ ހަތިޔާރު ފޯރުކޮށްދިނުމުގައި އިންޑިއާއިން ދަނީ މުހިންމު ދައުރެއް އަދާކުރަމުންނެވެ. އަދި ހަތިޔާރު ވިއްކުން ހުއްޓާނުލައި ކުރިއަށް ގެންދިއުމުގެ ސަބަބުން އިންޑިއާއިން މި ލާއިންސާނީ ޖަރީމާގައި ބައިވެރިވުމުގެ ޤާނޫނީ ނުރައްކާ އެބައޮތް ކަމަށް ވަނީ އިންޒާރުދީފައެވެ.
India continued supplying arms, ammunition, and military components to Israel despite the substantial risk they could be used in Israel's ongoing genocide against Palestinians in the occupied Gaza Strip – new @Amnesty investigation.
Read our latest report:…
— Amnesty International (@amnesty) July 30, 2026
2023 އޮކްޓޫބަރު މަހުން ފެށިގެން އިންޑިއާއިން އިޒްރޭލަށް ހަތިޔާރާއި އަސްކަރީ ސާމާނު ހިމެނޭ 2،596 ޝިޕްމަންޓް ފޮނުވާފައިވާކަން އެމްނެސްޓީގެ ތަޙުޤީޤަށް ވަނީ ހާމަވެފައެވެ. މީގެ ތެރޭގައި ބަޑީގެ ބައިތަކާއި، ޑްރޯން އަދި އާޓިލަރީ ޝެލް ފަދަ ގޮވާތަކެތީގެ 564,970 ބައި ހިމެނެއެވެ. މި ހަތިޔާރުތައް ފޯރުކޮށްދިން ކުންފުނިތަކުގެ ތެރޭގައި އިންޑިއާ ސަރުކާރުން ސީދާ ހިންގާ ކުންފުނިތައް ހިމެނޭކަމަށް ރިޕޯޓުގައި ބުނެފައިވެއެވެ.
އެމްނެސްޓީގެ ސެކްރެޓަރީ ޖެނެރަލް އެގްނެސް ކަލަމާޑް ބުނީ، މުޅި ދުނިޔެއަށް ޣައްޒާގެ ޤަތުލުޢާންމު ފެންނަމުންދާއިރުވެސް، އިންޑިއާއިން އިޒްރޭލުގެ އަސްކަރިއްޔާއަށް އެހީތެރިކަން ފޯރުކޮށްދެމުންދާކަން މިއިން ހާމަވާ ކަމަށެވެ.
