އެމެރިކާގެ ސެންޓްރަލް ކޮމާންޑް (ސެންޓްކޮމް) އިން އީރާނުގެ އެތެރެއަށް ސީދާ އަމާޒުކޮށް ބޮޑެތި ވައިގެ ޙަމަލާތަކެއް ދޭން ފަށައިފިއެވެ. މި ޙަމަލާތައް ދޭން ފަށާފައިވަނީ ރޭގެ ވަގުތެއްގައެވެ. އީރާނުގެ ދެކުނުގެ މުހިންމު ސަރަޙައްދުތައް ކަމަށްވާ ބަންދާރު އައްބާސް، އަބޫ މޫސާ، ކީޝް އައިލެންޑް އަދި ޤެޝްމް އައިލެންޑުން ބާރުގަދަ ގޮވުންތަކުގެ އަޑު އިވިފައިވާ ކަމަށް ރިޕޯޓުތައް ބުނެއެވެ.
U.S. forces began launching strikes against Iran at 8 p.m. ET today. The strikes are a powerful response to yesterday's attempted Iranian attacks on U.S. forces based in the Middle East.
— U.S. Central Command (@CENTCOM) July 30, 2026
ސެންޓްކޮމްއިން ނެރުނު ބަޔާނެއްގައި ބުނެފައިވަނީ، މި ޙަމަލާތަކަކީ މެދުއުރުމަތީގައި ތިބި އެމެރިކާގެ ސިފައިންނަށް އަމާޒުކޮށް އީރާނުން ދިން ބެލިސްޓިކް މިސައިލް ޙަމަލާތަކަށް ދެވުނު ”ވަރުގަދަ ރައްދެއް“ ކަމަށެވެ. ޙަމަލާތައް އަމާޒުކޮށްފައިވަނީ އީރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައިއާރުޖީސީ) ގެ އަސްކަރީ މަރުކަޒުތަކަށާއި، ރާޑަރު ސިސްޓަމްތަކަށާއި، މިސައިލް އަދި ޑްރޯން ފޮނުވާ ސަރަޙައްދުތަކަށެވެ.
ޖޫން މަހުގެ ފަހުކޮޅުން ފެށިގެން ދެމުންދާ ޙަމަލާތަކުގައި 55 މީހުން މަރުވެ، 600 އަށްވުރެ ގިނަ މީހުންނަށް އަނިޔާވެފައިވާ ކަމަށް އީރާނުގެ ޞިއްޙަތާބެހޭ ވުޒާރާއިން މަޢުލޫމާތުދެއެވެ. އަދި އީރާނުން ވަނީ މީގެ ރައްދުގައި އަވަށްޓެރި ޤައުމުތަކުގެ ހަކަތައާއި ފެން އުފައްދާ މަރުކަޒުތަކަށް ޙަމަލާދީފައެވެ.
މި ޙަމަލާތަކާއެކު ވޭތުވެދިޔަ ހަތަރު ދުވަހު ޙަމަލާތައް ދިނުން ހުއްޓާލާފައި އޮތް އޮތުން ނިމުމަކަށް އައިސް، ޤަޠަރާއި އޮމާން މެދުވެރިކޮށް ކުރިއަށްދިޔަ ސުލްޙައިގެ މަޝްވަރާތަކަށް ވަނީ ބޮޑު ހުރަހެއް އެޅިފައެވެ.
