އިނގިރޭސި ޕްރިމިއާ ލީގުގައި ރޭ މެންޗެސްޓާ ޔުނައިޓެޑުން ކުޅުނު މެޗުގައި ކްރިސްޓަލް ޕެލެސް ކައިރިން ބޮޑު ތަފާތަކުން ބަލިވެއްޖެއެވެ.
ރޭ ޔުނައިޓެޑް، ކްރިސްޓަލް ޕެލަސް އަތުން ބަލިވީ 0-4 ލަނޑުގެ ތަފާތަކުންނެވެ. ރޭގެ މެޗުގައި ކޮންމެ ހާފެއްގައި ޕެލަސްއިން 2 ލަނޑު ޖެހިއެވެ.
ރޭގެ ބައްޔާއެކު ޔުނައިޓެޑުން ޔޫރަޕްގެ ޖާގައަކަށް ކުރަމުންދާ އުންމީދަށްވަނީ ފަނޑުކަމެއް އައިސްފައެވެ. އެޓީމު މިވަގުތު 8 ވަނައިގައި އޮތީ 35 މެޗުން 54 ޕޮއިންޓާއެކުގައެވެ. އެއީ 7 ވަނައަށް ޖެހިލި ޗެލްސީއަށްވެސް ލިބިފައިވާ ޕޮއިންޓްގެ އަދަދެވެ. 35 މެޗުން 54 ޕޮއިންޓް ޗެލްސީއަށް ލިބިފައިވާ އިރު، އެޓީމުން ޔުނައިޓެޑަށްވުރެ ކުރީގައި އޮތީ ފައިދާ 14 ގޯލުގެ ތަފާތުންނެވެ.
ޔުނައިޓެޑް ކޮޅަށް ސީޒަނުގައި މިހާތަނަށް 81 ގޯލު ވަދެފައިވާއިރު، މިއީ 1977 ވަނަ އަހަރުގެ ފަހުން އެ ޓީމުގެ އެންމެ ދަށް ޑިފެންސިވް ރެކޯޑެވެ. މި ސީޒަނުގައި މިހާތަނަށް ލީގުގައި 13 މެޗުން ބަލިވެފައިވާއިރު، މިއީ ޕްރިމިއާ ލީގުގައި އެ ޓީމު އެންމެ ގިނަ މެޗުން ބަލިިވި ސީޒަނެވެ.
