ޖަރުމަނުވިލާތުގެ ބާލިން ސިޓީގައި ބޭއްވި ’ކްރިސްޓްފަރ ސްޓްރީޓު ޑޭ‘ (ސީއެސްޑީ) އެލްޖީބީޓީ ’ޕްރައިޑް‘ ލާދީނީ ފާޙިޝް ހަރަކާތުގެ ތެރެއަށް ކާރެއްގައި ދުއްވާފައި ގޮސް ވަދެގަނެ ހަމަލާދިން މީހާއަކީ ލުބުނާނުގެ ނަސްލު ޖަރުމަނު ވިލާތަށް އުފަން 21 އަހަރުގެ ޢަބްދުލް ބަލޫޠު ނަމަކަށް ކިޔާ މުސްލިމެކެވެ. 24 ގަޑިއިރުގެ އޮޕަރޭޝަނަކަށްފަހު ޖަރުމަނު ފުލުހުން ވަނީ ބަލޫޠު ވަށާލައި، އޭނާ ގަޔަށް ބަޑިޖަހައި މަރާލައިފައެވެ.
ޖަރުމަނުގެ ދާޚިލީ ވުޒާރާއިން ކަށަވަރުކޮށްދިން ގޮތުގައި، ޢަބްދުލް ބާލޫތަކީ ލެބަނޯން ދަރިކޮޅުގެ ޖަރުމަނު ރައްޔިތެކެވެ. އޭނާއަކީ އައިއެސް ޖަމާޢަތާ ގުޅެން މަސައްކަތްކޮށްގެން މީގެ ކުރިންވެސް ކޯޓުން ޙުކުމްކޮށްފައިވާ، ފުލުހުންގެ ’ޓެރަރިސްޓް ވޮޗްލިސްޓް‘ ގައި ހިމެނޭ މީހެކެވެ.
ޖަރުމަނު ފުލުހުން އޭނާ ފަހާ ދުވުމަށްފަހު ހޯދައި ވަށާލުމުން، އޭނާ ވަނީ ވަޅިއަކުން ފުލުހުންނަށް ހަމަލާދޭން މަސައްކަތްކޮށްފައެވެ. މިކުރިމަތިލުމުގެ ތެރޭ ފުލުހުންވަނީ އޭނާ ގަޔަށް ބަޑިޖަހައި މަރާލާފައެވެ. މި ޙަމަލާގައި އެލްޖީބީޓީ ފިކުރު މީހަކު މަރުވެ، އިތުރު 29 މީހުން ވަނީ ޒަޚަމްވެފައެވެ. ޖަރުމަނުގެ ދާޚިލީ ވަޒީރު އެލެކްޒެންޑަރ ޑޮބްރިންޓް ވަނީ މިއީ ”އިސްލާމީ ޓެރަރިސްޓް ހަމަލާއެއް“ ކަމަށް ރަސްމީކޮށް އިއުލާނުކޮށްފައެވެ.
