އީރާނުގެ ޚޫޒިސްތާން މާކަނޑުގެ އޮފިޝަލުން ކަށަވަރުކޮށްދީފައިވާ ގޮތުގައި، އީރާނާއި ޢިރާޤު ގުޅޭ ޝަލާމްޗެހް އިންޓަނޭޝަނަލް ބޯޑަރު ކްރޮސިންގް އަށް އެމެރިކާއިން ދިން މިސައިލް ހަމަލާއެއްގައި 2 މީހުން މަރުވެ، 11 މީހުން ޒަޚަމްވެއްޖެއެވެ.
Serangan CENTCOM di menara radar rezim Iran di wilayah perbatasan Shalamcheh antara Iran dan Irak. pic.twitter.com/dPbj8opqZ8
— Vi Tu (@vianratulangi) July 23, 2026
ހަމަލާ ސީދާ އަމާޒުވެފައިވަނީ އީރާނުގެ ޚޫޒިސްތާން ޕްރޮވިންސްގެ ޚުރްރަމްޝަހްރު ކައިރީގައިވާ ޝަލާމްޗެހް ބޯޑަރުގެ ކަސްޓަމްސް އަދި ސެކިއުރިޓީ ޓާމިނަލަށެވެ. މި ހަމަލާގައި 2 މީހުން މަރުވެފައިވާއިރު، ޒަހަމްވި 11 މީހުންނަށް ދަނީ ޚުރްރަމްޝަހްރު އަދި އާބާދާންގެ ހޮސްޕިޓަލްތަކުގައި ފަރުވާދެމުންނެވެ.
ޝަލާމްޗެހް އަކީ އީރާނާއި ޢިރާޤުގެ ބަޞްރާ ގުޅުވައިދޭ އެންމެ މައިގަނޑު ވިޔަފާރި އަދި ދަތުރުފަތުރުގެ ބޯޑަރެވެ. މި ހަމަލާއާއެކު އީރާނާއި ޢިރާޤާ ދެމެދު ކުރެވޭ ކަނޑުމަގުގެ އަދި އެއްގަމު ދަތުރުފަތުރު ވަގުތީގޮތުން ވަނީ ހުއްޓުމަކަށް އައިސްފައެވެ.
