ހުޅުމާލޭގައި ހުންނަ އަޒީޒާ މޫސާ މިސްކިތަށް ދެވަނަ ފަހަރަށް ގެއްލުންދިން މައްސަލައެއް ފެންމަތިވެ، އެކަމުގައި ތުހުމަތުކުރެވޭ މީހާ މުޖުތަމައުއިން އެކަހެރިކޮށްފައިވާ ކަމަށް ފުލުހުން ބުނެފިއެވެ.
ފުލުހުން ހާމަކޮށްފައިވާ ގޮތުގައި، މި މައްސަލައިގައި ތުހުމަތުކުރެވޭ ފަރާތް މުޖުތަމައުން އެކަހެރިކޮށްފައިވަނީ ފުލުހުންނާއި ކަމާގުޅުންހުރި އެހެނިހެން މުއައްސަސާތަކާ ގުޅިގެން ކުރެވުނު މަސައްކަތުންނެވެ. އަދި އެ މީހާއަށް ބޭނުންވާ އެހީތެރިކަން ފޯރުކޮށްދިނުމުގެ މަސައްކަތް ކަމާބެހޭ އިދާރާތަކުން މިހާރު ދަނީ ކުރަމުންނެވެ.
މި ހާދިސާއާ ގުޅޭގޮތުން ފުލުހުން އިތުރަށް ބުނީ، މި މައްސަލައިގައި ތުހުމަތު ކުރެވޭ ފަރާތަކީ 2026 ޖުލައި 22 ވަނަ ދުވަހުގެ ރޭވެސް ހަމަ އެ މިސްކިތަށް ގެއްލުން ދިން ކަމަށް ތުހުމަތު ކުރެވޭ މީހާ ކަމަށެވެ. މިއީ އެ މިސްކިތަށް މިފަދަ ގެއްލުމެއް ދިން ދެވަނަ ފަހަރެވެ.
މި ހާދިސާގައި އެއްވެސް މީހަކަށް ޖިސްމާނީ އަނިޔާއެއް ލިބިފައިވާ ކަމުގެ މައުލޫމާތެއް ލިބިފައި ނުވާ ކަމަށް ފުލުހުން ކަށަވަރުކޮށްދެއެވެ.
މި މައްސަލައަކީ ސީރިއަސް މައްސަލައެއްގެ ގޮތުގައި ބަލަމުންދާ ކަމަށާއި، ވަކި މައްސަލައެއްގެ ގޮތުގައި ފުލުހުން މިހާރު ގެންދަނީ މިކަން އިތުރަށް ތަހުގީގު ކުރަމުންނެވެ.
އަވަހަޢް ނަފްސާނީ ޑރ އަކަޢް ދައްކާ ދެން ނިދި ހަމަ ޖެހޭ ކަހަލަ ބޭހެއްދީ ނިންދަވާފަ އޮބްޒަވޭޝަންގަ ބާއްވާ ރަނގަޅު ވީމަ ދޫކޮއްލާ އޭރުން މިސްކިތުގެ ޙުރުމަތް ކެނޑިކަމަކަޢް ނުވާނެ