އިންޑިއާގެ ދިއްލީގައި ކޮކްރޯޗް ޖަންތާ ޕާޓީ (ސީޖޭޕީ) އިން ކުރިއަށްގެންދިޔަ ’ސަންސަދު މާޗް‘ މުޒާހަރާގެ ތެރެއިން ފުލުހުންނާއި ރެޕިޑް އެކްޝަން ފޯސް (އާރުއޭއެފް) އިން މުޒާހަރާގެ ބައިވެރިންނަށް ޙަމަލާދިނުމަށް ’ޕެލެޓް ގަން‘ (ކުދި ދަގަނޑު ވަޒަން ފޮނުވާ ބަޑި) ބޭނުންކޮށްފައިވާ ކަމުގެ ވަރުގަދަ ތުހުމަތުތަކެއް ފެންމަތިވެއްޖެއެވެ.
ये हैं इरशाद मंसूरी, क्या हाल हो रखा है, लेडी हार्डिंग हॉस्पिटल में एडमिट हैं, आज इनकी सर्जरी हुई है @NBTDilli @Wangchuk66 @abhijeet_dipke pic.twitter.com/NIo4vskwQR
— Rahul Anand 🇮🇳 (@Justrahulanand) July 21, 2026
މި ޙާދިސާގައި ވަރަށް ބޮޑަށް ޒަޚަމްވެފައިވަނީ އުމުރުން 25 އަހަރުގެ ޝެއިޚް އިރްޝާދު މަންސޫރީއެވެ. އޭނާގެ މޫނަށާއި، ކަނޑުރާއަށް އަދި ލޮލުގެ ދަށަށް ގިނަ އަދަދެއްގެ ކުދި ދަގަނޑު އުންޑަތައް ވަދެފައިވާތީ، ލޭޑީ ހާޑިންގް ހޮސްޕިޓަލުގައި ވަނީ 3 ގަޑިއިރުގެ ކުއްލި އޮޕަރޭޝަނެއް ކޮށްފައެވެ. ޑޮކްޓަރުން ވަނީ އިރްޝާދުގެ ކަނާތު ލޮލުގެ ފެނުން އެއްކޮށް ގެއްލުމުގެ ބޮޑު ފުރުޞަތެއް އޮތް ކަމަށް ބުނެ، އޮޕަރޭޝަން ކުރުމުގެ ކުރިން އޭނާގެ ރައްޓެހިން ލައްވައި އިޤްރާރުގައި ސޮއިކުރުވާފައެވެ.
ދިއްލީ ފުލުހުން ވަނީ މުޒާހަރާގެ ބައިވެރިންނާ ދެކޮޅަށް ޕެލެޓް ގަން ބޭނުންކުރި ކަމަށް ކުރެވޭ ތުހުމަތުތައް ދޮގުކޮށްފައެވެ. ނަމަވެސް ހޮސްޕިޓަލުގެ ރިޕޯޓުތަކުންނާއި ޑޮކްޓަރުން ނެގި ދަގަނޑު ޕެލެޓްތަކުން ހާމަވަނީ ސެންޓްރަލް ރިޒާވް ޕޮލިސް ފޯސް (ސީއާރުޕީއެފް) ގެ ދަށުން ހަރަކާތްތެރިވާ ’އާރް.އޭ.އެފް‘ އިން ޕެލެޓް ގަން ބޭނުންކޮށްފައިވާ ކަމެވެ.
