އައްޑޫ ސިޓީގެ މަގުހެދުމުގެ މަޝްރޫއުގެ 86 އިންސައްތަ ނިމިފައިވާކަމަށް ކޮންސްޓްރަކްޝަން މިނިސްޓްރީއިން ބުނެފިއެވެ.
އެ މިނިސްޓްރީއިން އެކްސްގައި ކުރި ޕޯސްޓެއްގައި ބުނެފައިވަނީ އެ މިނިސްޓްރީގެ މިނިސްޓަރ އޮފް ސްޓޭޓް އިބްރާހިމް ނަޒީމް އައްޑޫ ސިޓީގެ މަގުހެދަމުގެ މަޝްރޫއުގެ މަސައްކަތްތައް ކުރިއަށްދާ ގޮތް މިއަދު ބައްލަވައިލައްވައިފައިވާ ކަމަށެވެ.
މީގެއިތުރުން މަޝްރޫއުގެ ކޮންޓްރެކްޓަރ އަދި ކޮންސަލްޓަންޓްއާއި ބައްދަލު ކުރައްވައި މި މަޝްރޫއުގެ މަސައްކަތްތަކާއި ގުޅޭގޮތުން މަޝްވަރާ ކުރައްވަައިފައިވާ ކަމަށެވެ.
މި ވުޒާރާގެ މިނިސްޓަރ އޮފް ސްޓޭޓް އިބްރާހިމް ނަޒީމް އައްޑޫ ސިޓީގެ މަގުހެދަމުގެ މަޝްރޫޢުގެ މަސައްކަތްތައް ބައްލަވައިލައްވައިފިއެވެ.
މަޝްރޫޢުގެ އަދާހަމަ: %86.25 ނިމިފައި#mociroads pic.twitter.com/yUPvkgAJJl
— Ministry of Construction and Infrastructure (@MoCImv) May 4, 2024
މިނިސްޓްރީއިން ހާމަކުރި ގޮތުގައި މި މަޝްރޫއުގެ 86.25 އިންސައްތަ މިހާރު ވަނީ ނިމިފައެވެ.
މި މަޝްރޫއުގެ ދަށުން އައްޑޫގެ 100 ކިލޯ މީޓަރަށްވުރެ ބޮޑު ސަރަހައްދެއްގެ މަގު ހަދާނެއެވެ. މި މަޝްރޫއުގެ މަސައްކަތްތައް ކުރިއަށްގެންދަނީ ޖީކޭޑީ ކުންފުންޏާއި އެފްކޮންސް ކުންފުނިންނެވެ.
