ފަތުރުވެރިކަމުގެ ދާއިރާގެ މުދަލާއި ޚިދުމަތްތަކުން ނެގޭ ޓެކްސް (ޓީ.ޖީ.އެސް.ޓީ) ގެ ގޮތުގައި ދައުލަތަށް 6.7 ބިލިއަން ރުފިޔާ ލިބިއްޖެއެވެ. މިއީ މިއަހަރުގެ ތެރޭގައި ދައުލަތުގެ އާމްދަނީ އިތުރުވުމަށް މަގުފަހިވި މުހިންމު ސަބަބެއް ކަމަށް މިނިސްޓްރީ އޮފް ފައިނޭންސް އިން ބުނެފިއެވެ.
މިނިސްޓްރީ އޮފް ފައިނޭންސް އެންޑް ޕަބްލިކް އެންޓަޕްރައިޒަސް އިން 16 ޖުލައި 2026 ގެ ނިޔަލަށް އެކުލަވާލައި، އެންމެ ފަހުން އާންމުކޮށްފައިވާ ”ވީކްލީ ފިސްކަލް ޑިވަލޮޕްމަންޓްސް“ ރިޕޯޓުގައިވާ ގޮތުން، ފާއިތުވެދިޔަ ހަފުތާގެ ތެރޭގައި އެންމެ ބޮޑު އާމްދަނީއެއް ލިބިފައިވަނީ ޓީ.ޖީ.އެސް.ޓީ އިންނެވެ. 2025 ވަނަ އަހަރުގެ މި މުއްދަތުގައި ޓީ.ޖީ.އެސް.ޓީގެ ގޮތުގައި ލިބުނު 6.2 ބިލިއަން ރުފިޔާއާ އަޅާބަލާއިރު، މިއަހަރު ލިބުނު މިންވަރު ވަނީ 475 މިލިއަން ރުފިޔާ ނުވަތަ 7.7 އިންސައްތަ އިތުރުވެފައެވެ.
ޓީ.ޖީ.އެސް.ޓީ އާއި އާންމު ޖީ.އެސް.ޓީ ހިމެނޭހެން މުދަލާއި ޚިދުމަތުގެ އަގުން ނަގާ ޓެކްސްގެ ޖުމްލަ އާމްދަނީ ވަނީ 9.7 ބިލިއަން ރުފިޔާއަށް އަރާފައެވެ. މިއީ 9.0 އިންސައްތައިގެ އިތުރުވުމެކެވެ. މީގެ ތެރެއިން އާންމު ޖީ.އެސް.ޓީގެ ގޮތުގައި ލިބުނު އާމްދަނީ 2.7 ބިލިއަން ރުފިޔާއިން 3.0 ބިލިއަން ރުފިޔާއަށް ވަނީ މަތިވެފައެވެ.
ޖުމްލަ އާމްދަނީ އާއި ހިލޭ އެހީދައުލަތަށް ލިބުނު ޖުމްލަ ޓެކްސް އާމްދަނީއަށް ބަލާއިރު، މިދިޔަ އަހަރުގެ 15.8 ބިލިއަން ރުފިޔާގެ ބަދަލުގައި، މިއަހަރުގެ މި މުއްދަތުގައި 17.6 ބިލިއަން ރުފިޔާ ލިބިފައިވެއެވެ. މިއާއެކު ދައުލަތަށް ލިބުނު ޖުމްލަ އާމްދަނީ އާއި ހިލޭ އެހީގެ މިންވަރު ވަނީ 23.0 ބިލިއަން ރުފިޔާއަށް އަރާފައެވެ. މިއީ 1.9 ބިލިއަން ރުފިޔާގެ ކުރިއެރުމެކެވެ.
ހިލޭ އެހީގެ ގޮތުގައި ލިބުނު ފައިސާ ވެސް ވަނީ 130.3 އިންސައްތައިގެ ބޮޑު ކުރިއެރުމަކާއެކު 438.8 މިލިއަން ރުފިޔާއަށް އިތުރުވެފައެވެ. ނަމަވެސް، ޓެކްސް ނޫން އާމްދަނީ ވަނީ 2.9 އިންސައްތަ ދަށްވެފައެވެ.
ދައުލަތުގެ ޚަރަދުތައްޚަރަދުގެ ބަޔަށް ބަލާއިރު، ފާއިތުވެދިޔަ ހަފްތާގެ ތެރޭގައި އެންމެ ބޮޑު އިތުރުވުމެއް އައީ ކައުންސިލްތަކަށް ދޫކުރާ ބްލޮކް ގްރާންޓަށެވެ. ކައުންސިލްތަކަށް 1.5 ބިލިއަން ރުފިޔާ ދޫކޮށްފައިވާއިރު، މިއީ ލާމަރުކަޒީ އުސޫލުން ޚިދުމަތް ދިނުމަށް ސަރުކާރުން އިސްކަންދޭ މިންވަރު ހާމަކޮށްދޭ ކަމެކެވެ. މީގެ އިތުރުން ސަބްސިޑީއަށް ކުރި ހޭދަ ވަނީ 3.1 ބިލިއަން ރުފިޔާއަށް އަރާފައެވެ.
ދައުލަތުގެ ޖުމްލަ ޚަރަދު މިހާތަނަށް ހުރީ 24.5 ބިލިއަން ރުފިޔާގައެވެ. މީގެ ތެރެއިން ރިކަރަންޓް ޚަރަދު 21.4 ބިލިއަން ރުފިޔާއަށް އަރާފައިވަނީ ސަބްސިޑީ އާއި ޕޭ ހާމަނައިޒޭޝަންގެ ސަބަބުން މުސާރައަށް ކުރާ ޚަރަދު އިތުރުވުމުންނެވެ. ކެޕިޓަލް ޚަރަދުތައް ވެސް ވަނީ 3.2 ބިލިއަން ރުފިޔާއަށް އިތުރުވެފައެވެ.
ބަޖެޓް ޑެފިސިޓް 1.5 ބިލިއަން ރުފިޔާގައި ހުރި ނަމަވެސް، ދަރަނި އަދާކުރުމާއި އިންޓްރެސްޓްގެ ޚަރަދު ނުހިމަނައި ބަލާއިރު ޕްރައިމަރީ ބެލެންސް އަދިވެސް އޮތީ 1.2 ބިލިއަން ރުފިޔާގެ ސަރޕްލަސްއެއްގައެވެ.
ދިވެހިރައްޔިތުންގެ ބުރަމަސައްކަތުން ގައުމީތަރަށްގީއަށް ޖަމާކުރާފައިސާފުނި ފެނިގެން މުލުވަގުންގެބައިގަނޑު އަނެއްކާވެސް ވެރިކަމާއިދިމާލަށް ލޫދޭމަންޒަރުފެންނަނި، ރައީސްމުޢިއްޒުގެ އަރިހުގަ ރަޢްޔިތުންމިތިބީ ހޭލާފާރަޔަށް ލާހިކެއްނޫން މިރާއްޖޭގެ ވެރިކަމަށް ދެންވައިވެސްއެޅިލަން،އޢ