ބޮރޫޝިއާ ޑޯޓްމަންޑްގެ މިޑްފީލްޑަރު މާކޯ ރިއުސް 12 އަހަރަށްފަހު އެ ޓީމު ދޫކޮށްލަން ނިންމައިފިއެވެ.
ޑޯޓްމަންޑްގެ ކެޕްޓަންކަން ކުރަމުން އަންނަ ރިއުސް ވަނީ އެ ޓީމަށް 424 މެޗު ކުޅެދީ 168 ގޯލު ޖަހާފައެވެ. އޭނާ ޑޯޓްމަންޑާ ގުޅިފައިވަނީ 2012 ވަނަ އަހަރުއެވެ.
އުމުރުން 34 އަހަރުގެ ރިއުސްގެ ޑޯޓްމަންޑް އާއި އެކު އޮތް އެއްބަސްވުން ހަމަވާނީ މިއަހަރުގެ ޖުލައި މަހުއެވެ. އޭނާ ޑޯޓްމަންޑާއެކު އިތުރު އެއްބަސްވުމެއްގައި ސޮއިނުކުރާނެ ކަމަށް މިހާރު ވަނީ ބުނެފައެވެ.
ރިއުސް ވަނީ ޑޯޓްމަންޑާއެކު ޖަރުމަނު ކަޕު ދެފަހަރު ކާމިޔާބުކޮށްފައެވެ. އެންމެ ފަހުން 2021 ވަނަ އަހަރުގެ ތަށި އުފުލާލިއިރު، އެ ޓީމުގެ ކެޕްޓަން އަކީވެސް ރިއުސްއެވެ.
ޑޯޓްމަންޑުން ވަނީ ޗެމްޕިއަންސް ލީގުގެ ސެމީ ފައިނަލުގެ ފުރަތަމަ ލެގުގައި 1-0 ގެ ނަތީޖާއަކުން ޕީއެސްޖީ ބަލިކޮށްފައެވެ. ދެވަނަ ލެގް އަންނަ ހަފްތާ ކުޅޭއިރު ޑޯޓްމަންޑާއެކު ޗެމްޕިއަންސް ލީގު ކާމިޔާބުކުރުމުގެ ފުރުސަތު ރިއުސް އަށް އަދި އެބައޮތެވެ.
