ފެނަކައިން ރަށްރަށުގައި ހިންގާ ފެނާއި ނަރުދަމާގެ 16 މަޝްރޫއެއް އެމްޑަބްލިއުއެސްސީއާއި ޙަވާލުކުރަން މަޝްވަރާ ކޮށްފިއެވެ.
ކޮންސްޓްރަކްޝަން އެންޑް އިންފްރާސްޓްްރަކްޗަރ މިނިސްޓްރީން ބުނެފައިވަނީ ފެނަކައިން ރަށްރަށުގައި ހިންގަމުންދާ ފެނާއި ނަރުދަމާގެ މަސައްކަތްތައް އެމްޑަބްލިއުއެސްސީއާ ހަވާލުކުރުމަށް ފެނަކައާއި އެމްޑަބްލިއުއެސްސީއާއި އެކު މަޝްވަރާ ބައްދަލުވުމެއް ބާއްވާފައިވާ ކަމަށެވެ.
މި ވުޒާރަގެ މިނިސްޓަރ އޮފް ސްޓޭޓް އަދި ޓެކްނިކަލް ޓީމުން @MWSC_Official އަދި @TeamFenaka ގެ މެނޭޖިންގ ޑިރެކްޓަރުންނާއި ބައްދަލު ކުރައްވައި، ފެނަކައިން ހިންގަމުންދިޔަ ފެނާއި ނަރުދަމާ މަޝްރޫޢުތަށް MWSC އާ ހަވާލު ކުރުމުގެ މަސައްކަތާއި ގުޅޭގޮތުން މަޝްވަރާ ކުރައްވައިފި#mociwatsan pic.twitter.com/dHAlYZe6pn
— Ministry of Construction and Infrastructure (@MoCImv) May 2, 2024
އަދި އެބައްދަލުވުމަކީ މަޝްރޫއުތައް އެމްޑަބްލިއުއެސްސީން ކުރިއަށް ގެންދިޔުމާއި ގުޅޭގޮތުން ބޭއްވި ޓެކްނިކަލް ބައްދަލުވުމެއް ކަމަށް މިނިސްޓްރީން ބުނެފައެވެ.
މިނިސްޓްރީން ބުނެފައިވަނީ މަޝްރޫއުތައް އެމްޑަބްލިއުއެސްސީއާއި ހަވާލުކުރަނީ ޕްރޮޖެކްޓްތައް އަވަހަށް ނިންމުމުގެ ބޭނުމުގައި ކަމަށެވެ.
ފެނަކައިން 16 ރަށެއްގައި ކުރިއަށް ގެންދިޔަ ފެނާއި ނަރުދަމާގެ މަޝްރޫއުތައް އެމްޑަބްލިއުއެސްސީއާ ހަވާލުކުރަން މަޝްވަރާކޮށްފައިވާއިރު، އޭގެ ތެރޭގައި ފަށާފައި ހުރި މަޝްރޫއުތަކާއި މެދުކެނޑިފައި ހުރި މަޝްރޫއުތައްވެސް ހިމެނެއެވެ.
