މ. މުލަކުގެ ކަރަންޓުގެ ޚިދުމަތް އިތުރަށް ހަރުދަނާކޮށް، އެ ރަށުގައި ކަރަންޓު އުފެއްދުމުގެ ގާބިލްކަން އިތުރުކުރުމަށްޓަކައި 600 ކިލޯވޮޓްގެ އައު ޖަނަރޭޓަރު ސެޓެއް އެ ރަށަށް ގެންގޮސްފިއެވެ.
ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ބުނީ، މުލަކަށް މިހާރު ގެންދެވުނު މި ޖަނަރޭޓަރު ސެޓަކީ އެ ރަށުގެ ކަރަންޓުގެ ޑިމާންޑާ އެއްވަރަށް ޚިދުމަތް ފޯރުކޮށްދިނުމަށާއި، ކަރަންޓު އުފައްދާ މިންވަރު އިތުރުކުރުމަށްޓަކައި ގެންދެވުނު ޖަނަރޭޓަރެއް ކަމަށެވެ.
މ. މުލަކުގެ ކަރަންޓުގެ ޚިދުމަތް އިތުރަށް ހަރުދަނާކޮށް، ރަށުގެ ކަރަންޓު އުފެއްދުމުގެ ގާބިލްކަން އިތުރުކުރުމަށްޓަކައި 600 ކިލޯވޮޓްގެ އައު ޖަނަރޭޓަރު ސެޓެއް މިހާރު ވަނީ އެ ރަށަށް ގެންދެވިފައި. މި ޖަނަރޭޓަރު ސެޓް ކޮމިޝަންކޮށް ބޭނުންކުރަން ފެށުމާއެކު، މުލަކުގެ ކަރަންޓުކަރަންޓުގެ… pic.twitter.com/Ph9W7aZvL9
— STELCO (@STELCOMALDIVES) July 20, 2026
މި އައު ޖަނަރޭޓަރު ސެޓް އިންސްޓޯލްކޮށް، ކޮމިޝަންކުރުމުގެ މަސައްކަތް ނިމި ބޭނުންކުރަން ފެށުމާއެކު، މުލަކުގެ ކަރަންޓު އުފެއްދުމުގެ ގާބިލްކަން ނުވަތަ ޖެނެރޭޝަން ކެޕޭސިޓީ ބޮޑުތަނުން އިތުރުވެގެންދާނެއެވެ. މީގެ ސަބަބުން ރަށުގެ ރައްޔިތުންނަށް ދެމެހެއްޓެނިވި އަދި އިތުބާރުހުރި ފެންވަރެއްގައި ކަރަންޓުގެ ޚިދުމަތް ފޯރުކޮށްދިނުމަށް ބޮޑު މަގަކަށް ފަހިވެގެންދާނެ ކަމަށް ސްޓެލްކޯއިން މައުލޫމާތުދެއެވެ.
ރަށްރަށުގެ އިންޖީނުގެތަކުގެ ހާލަތު ރަނގަޅުކޮށް، ރައްޔިތުންނަށް ދަތިނުވާނެހެން ކަރަންޓުގެ ޚިދުމަތް ފޯރުކޮށްދިނުމަކީ ސަރުކާރުންނާއި ސްޓެލްކޯއިން ޚާއްޞަ އިސްކަމެއް ދީގެން ކުރަމުންދާ މަސައްކަތެކެވެ. މުލަކަށް ގެންދެވުނު މި ޖަނަރޭޓަރާއެކު، އެ ރަށުގެ ކަރަންޓަށް ދިމާވާ ދަތިތަކަށް ދާއިމީ ހައްލެއް ލިބިގެންދާނެ ކަމަށް ބެލެވެއެވެ.
