އެމެރިކާއިން އިރާނަށް ދެމުންދާ ޙަމަލާތަކުގެ ރައްދުގައި އީރާނުގެ އަސްކަރިއްޔާއިން މެދުއިރުމަތީގައި އެމެރިކާގެ އަސްކަރީ މަރުކަޒުތަކާއި މަސްލަޙަތުތަކަށް އަމާޒުމޮށް އެކި ޤައުމުތަކަށް ދެމުންދާ މިސައިލް އަދި ޑްރޯން ޙަމަލާތަކަކީ ބައިނަލްއަޤްވާމީ ޤާނޫނުތަކާ ޚިލާފު، އާންމުންގެ ފުރާނައަށް ނުރައްކާވާ އަމަލުތަކެއް ކަމަށް ބުނެ ސަޢޫދީ ޢަރަބިއްޔާއާއި އެހެނިހެން ޢަރަބި ޤައުމުތަކުން އެކުވެގެން އީރާނާ ދެކޮޅަށް ވަރުގަދަ ބަޔާންތަކެއް ނެރެފިއެވެ.
ޙަމަލާތަކުގެ އަސަރު ފޯރި ޤައުމުތައް
– ކުވައިތުގެ ފެން ކާރުޚާނާ: އީރާނުގެ ޙަމަލާތައް ކުވައިތުގެ ކަރަންޓާއި ބޯފެން އުފައްދާ މަރުކަޒަކަށް އަރައި ބޮޑެތި ގެއްލުންތަކެއް ވަނީ ލިބިފައެވެ.
– ޢިރާޤާއި ކުރުދިސްތާން: އީރާނުން ޢިރާޤުގެ އުތުރަށް ދިން ޙަމަލާއެއްގައި ކުރުދީ ޖަމާއަތެއްގެ 9 ހަނގުރާމަވެރިން ވަނީ މަރުވެފައެވެ. ޔޫ.އޭ.އީ އިން ވަނީ މިއީ ޢިރާޤުގެ ސިލްމާއި ސިޔާދަތަށް ދިން ބޮޑު ޙަމަލާއެއް ކަމަށް ބުނެފައެވެ.
– އޮމާން، އުރުދުން، އަދި ޤަޠަރު: މި ޤައުމުތަކުގެ ވައިގެ ސަރަހައްދަށް ވެސް އީރާނުގެ މިސައިލްތައް ވަދެ، ބައެއް ތަންތަނަށް ވަނީ ޙަމަލާތައް އަރާފައެވެ.
ޢަރަބި ވެރިންގެ ބަސްތައް
– ސައުދީ އަރަބިއްޔާ: ސަޢޫދީ ޚާރިޖީ ވުޒާރާއިން ބުނީ ކުވައިތާއި ބަހުރައިން އަދި އުރުދުންގެ ދިފާޢުގައި އެޤައުމުތަކުން އަޅާ ކޮންމެ ފިޔަވަޅަކަށް ސަޢޫދީއިން ފުރިހަމައަށް ތާއީދުކުރާނެ ކަމަށެވެ.
– އުރުދުން އަދި ކުވައިތު: މި ދެ ޤައުމުގެ ޚާރިޖީ ވަޒީރުން ވެސް ވަނީ މިއީ އީރާނުން ހިންގާ ”ނާތަހުޒީބީ“ އަދި ”ބިރުވެރި“ ޢުދުވާނެއްގެ ގޮތުގައި ސިފަކޮށްފައެވެ.
– ޤަޠަރު: ޤަޠަރުން ވަނީ އަސްކަރީ ޙަމަލާތައް ވަގުތުން ހުއްޓާލައި، ސިޔާސީ މަޝްވަރާތަކަށް އެނބުރި ދިއުމަށް ގޮވާލާފައެވެ.
މި ޙަމަލާތަކުގެ ސަބަބުން ގަލްފުގެ ޤައުމުތަކުގެ ހަކަތައާއި، އިޤްތިޞާދީ ވަޞީލަތްތަކަށް ބޮޑެތި ނުރައްކާތަކެއް ކުރިމަތިވެފައިވާ ކަމަށް އެ ޤައުމުތަކުގެ ވެރިން ބުނެއެވެ.
