ފާއިތުވި ފެބްރުއަރީ މަހުގެ ފަހުކޮޅުން ފެށިގެން އެމެރިކާއާއި އީރާނާ ދެމެދު ކުރަމުންދާ ހަނގުރާމައިގައި މިހާތަނަށް އެމެރިކާގެ 16 ސިފައިން މަރުވެ، 430 އަށްވުރެ ގިނަ ސިފައިން ޒަޚަމްވެއްޖެ ކަމަށް ޕެންޓަގަނުގެ ރަސްމީ ހިސާބުތަކުން ދައްކައިފިއެވެ.
އެމެރިކާގެ އަސްކަރިއްޔާއިން ހޮނިހިރު ދުވަހު މި ބަޔާން ނެރެފައިވަނީ، ހުކުރު ދުވަހު އުރުދުންގައި ހުރި އެމެރިކާގެ ބޭސްތަކަށް އީރާނުން ދިން މިސައިލް ޙަމަލާތަކުގައި ދެ ސިފައިން މަރުވިކަން ކަށަވަރުވުމާ ގުޅިގެންނެވެ.
ހަނގުރާމަ ފެށުނު ފަހުން ވޭތުވެދިޔަ 5 މަސްދުވަހުގެ ތެރޭގައި އެމެރިކާގެ 16 ސިފައިން މަރުވެފައިވާއިރު، އެކި ޙަމަލާތަކުގައި ޒަޚަމްވި ސިފައިންގެ އަދަދު ވަނީ 430 އަށްވުރެ މައްޗަށް ގޮސްފައެވެ. މިއީ ފަހުގެ ތާރީޚެއްގައި އެމެރިކާ އަސްކަރިއްޔާއަށް މެދުއިރުމަތީގައި ލިބުނު އެންމެ ބޮޑު އެއް ގެއްލުމެވެ.
މި ހަނގުރާމައިގެ މާލީ ޚަރަދު ވެސް މިހާރު ވަނީ 100 ބިލިއަން ޑޮލަރާ ގާތްވެފައެވެ. އީރާނުގެ އެންމެ މަތީ ވެރިޔާ މުޖްތަބާ ޚާމަނައީ ސުލްޙައިގެ އެއްބަސްވުން އުވާލުވުމާ ގުޅިގެން، އެމެރިކާއިން މިހާރު ދަނީ އީރާނުގެ ބަނދަރުތަކަށާއި ތެޔޮ ޓޭންކަރުތަކަށް ރައްދުގައި ވަރުގަދައަށް ބޮންއަޅަމުންނެވެ.
