ޔުއެފާ ޗެމްޕިއަންސް ލީގުގެ ސެމީ ފައިނަލުގެ ފުރަތަމަ ލެގުގައި ބޮރޫޝިއާ ޑޯޓްމަންޑުން 1-0 އިން ޕީއެސްޖީ ބަލިކޮށްފިއެވެ.
އަމިއްލަ ދަނޑުގައި ރޭ ބޮރޫޝިއާ މޮޅުވީ އެއް ލަނޑު ސުން ލަނޑުންނެވެ. ބަލިކުރި ލަނޑު 36 ވަނަ މިނިޓްގައި ޖެހީ ޖަރުމަނުގެ ފޯވާޑް ނިކޮލަސް ފުލްކުރުގްއެވެ.
ދެ ވަނަ ހާފު ފަށައިގެން ޕީއެސްޖީން ނަތީޖާ ހަމަހަމަކުރަން ކުރި މަސައްކަތުގައި، ކީލިއަން އެމްބާޕޭ އާއި އަޝްރަފް ހަކީމީ ޖެހި ބޯޅަތައް އަމާޒުވީ ގޯލުގެ ދަނޑިއަށެވެ.
މި ދެ ޓީމުގެ ދެވަނަ ލެގު އޮންނާނީ އަންނަ ހަފްތާގައި ފްރާންސްގައެވެ. މި މެޗު އެއްވަރުވިޔަސް ފައިނަލުން ފުރުސަތު ލިބޭނީ ބޮރޫޝިއާއަށެވެ. މި ނަތީޖާއާ އެކު ފައިނަލުގެ ޖާގައެއް ޕީއެސްޖީން ބޭނުންނަމަ އަމިއްލަ ދަނޑުގައި ކުޅޭ މެޗުން ޑޯޓްމަންޑް ބަލިކުރަން ޖެހޭނެއެވެ.
ސެމީ އަށް ބޮރޫޝިއާ ދަތުރު ކުރީ ކުއާޓާ ފައިނަލުގައި އެތުލެޓިކޯ މެޑްރިޑް ކަޓުވާލާފައެވެ.
ސެމީގެ އެއް މެޗުގައި ޕީއެސްޖީއާ ބޮރޫޝިއާ ކުޅޭއިރު، ސެމީގެ އަނެއް މެޗުގައި ކުޅެނީ ރިއާލް މެޑްރިޑާ ބަޔާން މިއުނިކެވެ. މި ދެ ޓީމުގެ ފުރަތަމަ ލެގު ނިމުނީ ދެ ލަނޑު ދެ ލަނޑުން އެއްވަރު ވެގެންނެވެ.
