ޣައްޒާގެ މެދުތެރޭގައި އޮންނަ ނުސެއިރާތު ރެފިއުޖީ ކޭމްޕުގައި ބޭއްވި ޖަނާޒާއަކަށް އަނިޔާވެރި ޔަހޫދީ އިސްތިޢުމާރީ ވެރިކަމުން ދިން އަނިޔާވެރި ވައިގެ ޙަމަލާއެއްގައި މަދުވެގެން 7 މީހުން މަރުވެ، އިތުރު 22 މީހަކު ވަރަށް ބޮޑަށް ޒަޚަމްވެއްޖެއެވެ.
Bloody massacre committed by Israel. Scenes from the first moments after Israeli occupation aircraft bombed a group of citizens during a funeral procession outside a mosque in Nuseirat Camp in central Gaza Strip. pic.twitter.com/XD6fV45Mua
— Quds News Network (@QudsNen) July 17, 2026
މި ނިރުބަވެރި ޙަމަލާ ސީދާ އަމާޒުވެފައިވަނީ ހުކުރު ދުވަހުގެ ހެނދުނު އިޒްރޭލުގެ އެހެން ޙަމަލާއެއްގައި ޝަހީދުވި ފަލަސްޠީނު މީހެއްގެ ޖަނާޒާގެ ބައިވެރިންނަށެވެ. ނުސެއިރާތުގެ ’އަލް-ޢައުދާ‘ ހޮސްޕިޓަލުން ކަށަވަރުކޮށްދީފައިވާ ގޮތުގައި، ޙަމަލާ ދިން ސަރަހައްދުން 7 މީހެއްގެ ހަށިގަނޑު ވަނީ ހޮސްޕިޓަލަށް ގެނެވިފައެވެ. އަދި ޒަޚަމްވި 22 މީހަކަށް ދަނީ ކުއްލި ފަރުވާ ދެމުންނެވެ.
އިޒްރޭލާއި ޙަމާސްއާ މެދު ”ވަގުތީ ސުލްހައިގެ އެއްބަސްވުމެއް“ ނަމަކު ޤާއިމުކޮށްފައި އޮތް ނަމަވެސް، އަހުދާއި ޚިލާފުވެ ޔަހޫދީ މުޖުރިމުންގެ މިފަދަ ޙަމަލާތައް ދަނީ ހުއްޓުމެއްނެތި ކުރިއަށެވެ. ސުލްޙައިގެ އެއްބަސްވުމަށްފަހު ވެސް ޣައްޒާއިން 1,123 އަށްވުރެ ގިނަ މީހުން މަރުވެފައިވާ ކަމަށް އެ ޤައުމުގެ ހެލްތު މިނިސްޓްރީން މައުލޫމާތު ދެއެވެ.
