އެމެރިކާއިން އީރާނަށް ދެމުންގެންދާ އަސްކަރީ ޙަމަލާތައް ވަރުގަދަކޮށް، މެދުކެނޑުމެއްނެތި ޖެހިޖެހިގެން ހަވަނަ ރެޔަކަށް ބޮޑެތި ޙަމަލާތަކެއް ދީފިއެވެ. ރޭގަނޑު ދިން މި ޙަމަލާތަކުގައި މަދުވެގެން 8 މީހުން މަރުވެ 20 މީހުން ޒަޚަމްވެފައިވާއިރު، އީރާނުގެ ދެކުނާއި ހުޅަނގުގެ ސަރަޙައްދުތަކުގައިވާ އަސްކަރީ ތަންތަނާއި އާންމު އުމްރާނީ ވަސީލަތްތަކަށް ވަނީ އަމާޒުކޮށްފައެވެ.
US forces launched strikes on Iranian military targets in Bandar Khamir, hitting surveillance sites, logistics infrastructure, and maritime capabilities https://t.co/5EOa7JwNKb pic.twitter.com/A87ulNvkkD
— Reuters (@Reuters) July 17, 2026
އެންމެ ފަހުގެ ޙަމަލާތައް އަމާޒުވެފައިވަނީ މުހިންމު ލޮޖިސްޓިކް އަދި މީހުން ދިރިއުޅޭ ސަރަޙައްދުތަކަށެވެ. ހޮރްމޮޒްގާން ޕްރޮވިންސްގެ ބަންދަރު ޚަމީރު ކައިރީގައިވާ ހައެއްކަ ބްރިޖަކަށް އެމެރިކާއިން ދިން ޙަމަލާތަކުގައި މަދުވެގެން 7 މީހުން މަރުވެ 9 މީހުން ވަނީ ޒަޚަމްވެފައެވެ. މުހިންމު ބަނދަރެއް އޮންނަ ބަންދަރު އައްބާސްގެ ”ﷲ اكبر“ ކިޔާ މީހުން ދިރިއުޅޭ ސަރަޙައްދަކަށް ދިން ޙަމަލާއެއްގައި އެކަކު މަރުވެ 8 މީހުން ޒަޚަމްވެފައިވާއިރު، އެ ރަށުގެ ރޭލު ސްޓޭޝަނަކާއި މުވާސަލާތީ ޓަވަރުތަކަށްވެސް ވަނީ ޙަމަލާދީފައެވެ.
އީރާނުގެ ސިއްޙަތާބެހޭ ވުޒާރާގެ ޕަބްލިކް ރިލޭޝަންސްގެ ވެރިޔާ ޙުސެއިން ކަރްމާންޕޫރު ހާމަކުރިގޮތުގައި، މި މަހުގެ ތެރޭގައި އެމެރިކާއިން އަލުން ފެށި އަސްކަރީ އޮޕަރޭޝަންތަކުގައި މިހާތަނަށް 38 މީހުން ވަނީ މަރުވެފައެވެ. މީގެ ތެރޭގައި އަންހެނުންނާއި ކުޑަކުދިންވެސް ހިމެނޭއިރު، 400 އަށްވުރެ ގިނަ މީހުން ވަނީ ޒަޚަމްވެފައެވެ. ބަންދަރު އައްބާސްގެ ކަރަންޓު ވިއުގަތަކަށް ލިބުނު ގެއްލުންތަކާ ގުޅިގެން ކަރަންޓު ކެނޑުމުގެ މައްސަލަތައް ދިމާވެފައިވާއިރު، އީރާންޝަހަރުގެ އެއަރޕޯޓަކަށްވެސް ވަނީ ޙަމަލާދީފައެވެ.
Iran: US strikes hit the Shur River Bridge in Kohurestan, cutting the Bandar Abbas–Lar highway in both directions.
Reports say civilian vehicles were on the bridge at the time of impact.
Casualty figures unknown. pic.twitter.com/BTSgxoUXig
— Clash Report (@clashreport) July 16, 2026
އެމެރިކާގެ ސެންޓްރަލް ކޮމާންޑް (ސެންޓްކޮމް) އިން ވަނީ މި އައު ޙަމަލާތައް ދީ ނިމިފައިވާކަން ކަށަވަރުކޮށްދީފައެވެ. އެފަރާތުން ބުނެފައިވަނީ މި އޮޕަރޭޝަންތަކުގެ މަޤްސަދަކީ އީރާނުގެ އަސްކަރީ ޤާބިލުކަން، ޚާއްސަކޮށް ވައިގެ ދިފާޢީ ނިޒާމުތަކާއި ކަނޑުމަތީގެ ވަސީލަތްތައް ނައްތާލުން ކަމަށެވެ.
މި ޙަމަލާތައް ބަދަލުކުރެވެމުން މިދަނީ، ޕާކިސްތާނު މެދުވެރިވެގެން ފާއިތުވި މަހު ދެގައުމުގެ ދެމެދުގައި ވެވުނު ސުލްޙައިގެ އެއްބަސްވުން ރޫޅުމާ ގުޅިގެންނެވެ. ދުނިޔޭގެ ހަކަތައިގެ ބާޒާރަށް މުހިންމު މަގެއް ކަމަށްވާ ހުރްމޫޒް ކަނޑުއޮޅި އެމެރިކާއިން އަލުން ބަންދުކުރުމަށް މަސައްކަތްކުރަމުންދާއިރު، އީރާނުގެ ސިފައިން ދަނީ ސޫރިޔާ، ކުވައިތު އަދި އޮމާން ފަދަ ސަރަޙައްދުތަކުގައިވާ އެމެރިކާގެ އަސްކަރީ މަރުކަޒުތަކަށް ރައްދުގައި ޙަމަލާދެމުންނެވެ.
