7000 އަށްވުރެ ގިނަ ދަރިވަރުންނާއެކު މިި އަހަރުގެ އޯ ލެވެލް އިމްތިހާން މިއަދު ފަށައިފިއެވެ.
މިއަހަރުގެ އޯލެވެލް އިމްތިހާނު ކުރިއަށްގެންދަނީ މިއަދުން ފެށިގެން ޖޫން މަހުގެ 13 ވަނަ ދުވަހުގެ ނިޔަލަށެވެ. އެޑިއުކޭޝަން މިނިސްޓްރީން ބުނީ މިއަހަރުގެ އިމްތިހާން ރާއްޖޭގެ 256 ސެންޓަރެއްގައި ކުރިއަށްދާނެ ކަމަށެވެ.
އެގޮތުން 7501 ދަރިވަރުން، އޯ ލެވެލް އިމްތިހާން ހަދާއިރު، 7133 ދަރިވަރުން އެސްއެސްސީ އިމްތިހާން ހަދާނެއެވެ.
މިއީ މިހާތަނަށް އެންމެ ގިނަ ދަރިވަރުން އޯލެވެލް އިމްތިހާން ހަދާ ފަހަރުކަން ފާހަގަކޮށްލަންޖެހެއެވެ. މިދިޔަ އަހަރު އޯލެވެލް ހަދާފައިވަނީ 6،698 ދަރިވަރުންނެވެ. މި ފަހަރު އޯ ލެވަލް ހަދާ ދަރިވަރުންގެ އަދަދު ކުރީ އަހަރަށް ވުރެ 803 ދަރިވަރުން އިތުރެވެ.
މިއަހަރުގެ އިމްތިހާނު ފެށިއިރު, ސަރުކާރުން ވަނީ އޯ ލެވެލް އިމްތިހާނުގައި ބައިވެރިވާ ކުދިން މަޖުބޫރު ހަތަރު މާއްދާ ހަދަން ޖެހޭނެ ކަމަށާއި އެ މާއްދާތަކަށް ސަރުކާރުން ފައިސާ ދައްކާ ގޮތަށް ހަމަޖައްސައިދީފައެވެ.
