ރ. އަލިފުއްޓާއި، އައްޑޫ ސިޓީގެ އިތުރުން ހުޅުމާލެ ފޭސް 2ގައި އަލަށް އިމާރާތްކުރާ 3 މިސްކިތުގެ ޑިޒައިން އިސްލާމީ ކަންތައްތަކާއި ބެހޭ މިނިސްޓަރު ޑރ. މުހައްމަދު ޝަހީމް އަލީ ސައީދު ދައްކަވާލައްވައިފިއެވެ.
ޝަހީމް މިއަދު “އެކްސް” ގައި ކުރެއްވި ޕޯސްޓެއްގައި އާއްމުކުރެއްވީ 300 މީހުންނާއި 500 އަދި 700 މީހުންގެ ޖާގައިގެ މިސްކިތްތަކުގެ ކުރެހުމެވެ.
“އިންޝާﷲ ޖޫން މަހުގައި މި ޑިޒައިންތަކަށް މިސްކިތްތައް ބިނާކުރަން ފަށާނެ،
– މިނިސްޓަރ ޝަހީމް
300/ 500/ 700 މީހުންގެ ޖާގައިގެ އަލަށް އިމާރާތްކުރާ މިސްކިތްތަކުގެ ޑިޒައިންތައް ވަނީ ނިމިފަ. މި މިސްކިތްތައް ފަރުމާކޮށްފައިވަނީ މަޝްރޫޢުގެ ބައެއްގެ ގޮތުގައި ސޯލާ ހަރުކުރެވޭ ގޮތައް, މިސްކިތްތަށް އިމާރާތްކޮށް ނިމޭ އިރު ހުންނާނީ އޭސީ ވެސް ހަރުކުރެވިފަ. pic.twitter.com/sTNogd6P6T
— Mohamed Shaheem Ali Saeed (@Mohamedshaheem1) April 24, 2024
މިސްކިތް ބިނާކުރުމަށް ޝަޢުގުވެރިވާ އަމިއްލަ ފަރާތްކަށް، އެކަމަށް ބޭނުންވާ ބިމާއި އަދި ބޭނުންވާ އިދާރީީ އެހީތެރިކަން ސަރުކާރުން ފަހިކޮށްދެއްވާނެކަމަށް މީގެ ކުރިން ޝަހީމް ވަނީ ވިދާޅުވެފައެވެ. އަދި މި ސިޔާސަތުގެ ދަށުން މާލެއާއި ހުޅުމާލޭ އިތުރުން ބައެއް އަތޮޅުތަކުގައި މިސްކިތް ބިނާކުރުމަށް ޝައުގުވެރިކަން ފާޅުކުރި ފަރާތްތަކަށް އެކަން ކުރުމުގެ ފުރުސަތު މިނިސްޓްރީން ދީ އެކަމުގެ އެއްބަސްވުންތަކުގައި ވަނީ ސޮއިކޮށްފައެވެ.
