އެމެރިކާގެ ލިންޑްސީ ގްރޭހަމް، ކުއްލި ގޮތަކަށް ބަލިވެ 71 އަހަރުގައި މަރުވެއްޖެއެވެ. މި ޚަބަރާއެކު ބެންޖަމިން ނަތަންޔާހޫ، އިސާކް ހާޒޯގް، އިޒްރޭލް ކަޓްސް، ގިޑިއޮން ސާރު، އަދި ނަފްތާލީ ބެނެޓް ވަނީ ލިންޑްސީ ގްރޭހަމްއަކީ އެމީހުންގެ ގާތް އެކުވެރިއެއް އަދި އެންމެ ވަރުގަދަ ތާއީދުކުރާ ފަރާތް ކަމަށް ބުނެ ހިތާމަ ފާޅުކޮށްފައެވެ.
ބެންޖަމިން ނަތަންޔާހޫ ބުނެފައިވަނީ ”ލިންޑްސީއަށް އިޒްރޭލާއި އެމެރިކާގެ ސަލާމަތަކީ ވަކިނުކުރެވޭނެ އެއްޗެއްކަން އެނގޭ“ ކަމަށާއި ”އިޒްރޭލަށް އެންމެ ބޮޑެތި އެކުވެރިންގެ ތެރެއިން އެކަކު ގެއްލުނީ“ ކަމަށެވެ. އިޒްރޭލުގެ އެހެނިހެން އޮފިޝަލުން ވެސް ވަނީ ލިންޑްސީ ގްރޭހަމްއަކީ އެ ޤައުމުގެ އެންމެ ވަރުގަދަ އެކުވެރިޔާ ކަމަށް ސިފަކޮށްފައެވެ.
Sara and I grieve with the American people over the loss of our dear friend, Senator Lindsey Graham.
In our recent meeting, I said, "Lindsey is a great friend of Israel and a cherished friend of mine. We have no better friend than Lindsey."
Lindsey understood that the security… pic.twitter.com/JG2mUUAfFT
— Benjamin Netanyahu – בנימין נתניהו (@netanyahu) July 12, 2026
އިޒްރޭލުގެ ނަސްލުހޭދުއަށް ފާޅުގައި ތާއީދުކުރުން
ލިންޑްސީ ގްރޭހަމްގެ ސިޔާސީ ހަޔާތުގައި އޭނާ ވަނީ އެމެރިކާގައި އޮންނަ ޔަހޫދީ ލޮބީއާ ވަރަށް ގާތް ގުޅުމެއް ބާއްވާފައެވެ. އަދި އޭނާއަކީ އިޒްރޭލުގެ ހަރުކަށި ސިޔާސަތުތަކަށް ވަކާލާތުކުރި މީހެކެވެ. ޣައްޒާގައި ހިނގަމުންދާ ނަސްލުހޭދުގެ ޢަމަލުތަކަށް އޭނާ ވަނީ ފާޅުގައި ތާއީދުކޮށްފައެވެ. ޚާއްސަކޮށް، ޣައްޒާ ބިމާ ހަމަކޮށްލަން ޖެހޭނެ ކަމަށް ބުނެ، ދެވަނަ ބޮޑު ހަނގުރާމައިގައި އެމެރިކާއިން އެހެން ޤައުމުތަކާ ދެކޮޅަށް ހިންގި ޖަރީމާތަކާ އެއްގޮތަށް ޣައްޒާއާ މެދު ޢަމަލުކުރަން ގޮވާލާފައިވެއެވެ.
އޭނާގެ ވާހަކަތަކުގައި، މުސްލިމް އާބާދީތަކާ ދެކޮޅަށް ހަރުކަށި ފިޔަވަޅުތައް އެޅުމަށް އަބަދުވެސް ބާރުއަޅާފައިވެއެވެ. ޚާއްސަކޮށް ޢަރަބި ޤައުމުތަކުގައި އެމެރިކާގެ ނުފޫޒާ ދެކޮޅަށް ވަކާލާތުކުރާ ފަރާތްތަކާ ދެކޮޅަށް އޭނާ ދައްކާފައިވާ ހަރުކަށި ވާހަކަތަކަކީ ބައިނަލްއަޤުވާމީ މަސްރަހުގައި ފާހަގަކޮށްލެވޭ ކަންކަމެވެ.
