އެމެރިކާގެ ހަރުކަށި ނަޞާރާ ފިކުރު ސެނެޓަރު ލިންޑްސީ ގްރޭހަމް، ކުއްލި ގޮތަކަށް ބަލިވެ 71 އަހަރުގައި މަރުވެއްޖެއެވެ. އެމެރިކާގެ ޚާރިޖީ ސިޔާސަތުގައި އިސްތިއުމާރީ އަދި ހަރުކަށި ފިޔަވަޅުތަކަށް ވަކާލާތުކުރި ގްރޭހަމްއަކީ، މެދުއިރުމަތީގައި އެމެރިކާގެ އަސްކަރީ ބާރުތައް ބޭނުންކުރުމަށް އަބަދުވެސް ބާރުއެޅި މީހެކެވެ.
Warmongering radical right wing extremist Christian, US republican senator Lindsey Graham has died a suddent death. He is one of the greatest supporter of Israel who openly called to flatten Gaza and justified Israel's genocide of Palestinian women and children. pic.twitter.com/V0VcxVAywK
— Hamza Mohamed (@Hamzemten) July 12, 2026
އިޒްރޭލުން ހިންގަމުންދާ ނަސްލުހޭދުއަށް ފާޅުގައި ތާއީދުކުރުން
ގްރޭހަމްގެ ފަހު ދުވަސްވަރު ދައްކާފައިވާ ވާހަކަތަކުން، އިޒްރޭލުން ޣައްޒާގައި ހިންގަމުންދާ އޮޕަރޭޝަންތަކާ މެދު އޭނާ ދެކޭ ގޮތް ވަރަށް ސާފުކޮށް ފެނިގެންދިޔައެވެ. އޭނާ ދެކޭ ގޮތުގައި، ދެވަނަ ބޮޑު ހަނގުރާމައިގައި ޖަރުމަނާއި ޖަޕާނު ފުނޑުފުނޑުކޮށްލި ފަދައިން، އިޒްރޭލުން ވެސް ޣައްޒާ ބިމާ ހަމަކޮށްލަން ޖެހެއެވެ. އޭނާ ވަނީ ޣައްޒާގައި ހިނގަމުންދާ ހަނގުރާމައަކީ އިޒްރޭލުގެ ދިފާޢުގައި ކޮންމެހެން ކުރަންޖެހޭ ކަމެއް ކަމަށާއި، އަސްކަރީ ކާމިޔާބީއަކާ ނުލައި ހައްދުފަހަނަޅާފައިވާ ފިކުރުތައް ބަލިނުކުރެވޭނެ ކަމަށް ބުނެފައެވެ.
އޭނާގެ ވާހަކަތަކުގައި، 7 އޮކްޓޫބަރުގައި ޙަމާސްއިން ދިން ޙަމަލާއަކީ ޔަހޫދީންނަށް ކުރިމަތިވި ވަރަށް ބޮޑު ނުރައްކަލެއް ކަމަށާއި، އެއީ ސަޢޫދީ ޢަރަބިއްޔާއާއި އިޒްރޭލާ ދެމެދު ކުރިއަށްދިޔަ ސުލްޙައިގެ މަޝްވަރާތައް ރޫޅާލުމަށް ދިން ޙަމަލާއެއް ކަމަށް ތަކުރާރުކޮށް ބުނެފައިވެއެވެ.
އިސްލާމްދީނާ މުސްލިމުންނާ ދެކޮޅަށް މުޅި ޙަޔާތް
ސިޔާސީ ހަޔާތުގައި، އިސްލާމްދީނާ ދެކޮޅަށް ހަރުކަށި ވާހަކަތައް ދައްކައި، މުސްލިމް ޤައުމުތަކުގެ އެތެރޭގެ ކަންކަމަށް ނުފޫޒު ފޯރުވައި އަސްކަރީ ޙަމަލާތައް ދިނުމަށް ގޮވާލުމުގެ ސަބަބުން ގިނަ ބައެއްގެ ފާޑުކިޔުން އޭނާއަށް އަމާޒުވެފައިވެއެވެ. ޚާއްޞަކޮށް، ޢަރަބި ޤައުމުތަކުގައި އެމެރިކާގެ ނުފޫޒާ ދެކޮޅަށް ވަކާލާތުކުރާ ޙަމާސް ފަދަ ޖަމާޢަތްތަކާ ދެކޮޅަށް އޭނާ ދައްކާފައިވާ ހަރުކަށި ވާހަކަތަކަކީ ބައިނަލްއަޤުވާމީ މަސްރަހުގައި ފާހަގަކޮށްލެވޭ ކަންކަމެވެ.
މިއާއެކުވެސް ގްރޭހަމްގެ ނަޒަރުގައި ޢަރަބި ޤައުމުތަކުގެ ވެރީންނަކީ އެމެރިކާގެ އެންމެ ގާތް ބައިވެރީންނެވެ. އޭނާ ދެކޭ ގޮތުގައި ”ހަރުކަށި ފިކުރާއި ޓެރަރިޒަމާ“ ދެކޮޅަށް ކުރަމުންދާ ހަނގުރާމައިގައި އެމެރިކާއަށް އެންމެ ބޮޑަށް ވާގިވެރިވާ ބަޔަކީ އެ ވެރީންނެވެ. އޭނާ ވަނީ ރިޕަބްލިކަން ޕާޓީގެ ގިނަ މެންބަރުންގެ ވިސްނުން ހުންނަނީ ވެސް ހަމަ މިގޮތަށް ކަމަށް ބުނެފައެވެ.
