ޤަޠަރުގެ ކުރީގެ އަމީރު، އަމީރު ޝައިޙް ޙަމަދު ބިން ޚަލީފާ އަލްޘާނީ އަވަހާރަވުމާ ގުޅިގެން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، އެ ޤައުމުގެ ސަރުކާރަށާއި ރައްޔިތުންނަށް ތައުޒިޔާ ވިދާޅުވެއްޖެއެވެ.
ރައީސް މުޢިއްޒު ފޮނުއްވި ތައުޒިޔާގެ މެސެޖުގައި، ޤަޠަރުގެ ކުރީގެ އަމީރު އަވަހާރަވި ހަބަރު އެއްސެވީ ފުން ހިތާމައާއެކު ކަމަށް ވިދާޅުވިއެވެ. އަދި އަމީރު ޝައިޚް ޙަމަދު ބިން ޚަލީފާ އަލްޘާނީއަކީ ޤަޠަރުގެ ތަރައްގީއަށާއި ކުރިއެރުމަށް މުހިންމު އަދި އަގުނުކުރެވޭފަދަ ހިދުމަތްތަކެއް ކޮށްދެއްވި، ދުރުވިސްނޭ ލީޑަރެއްކަން ރައީސް ފާހަގަކުރެއްވިއެވެ.
Deeply saddened by the passing of His Highness Amir Sheikh Hamad bin Khalifa Al -Thani, former Amir of the State of Qatar, whose visionary leadership contributed significantly to the development and progress of the State of Qatar.
I extend my heartfelt condolences to His…
— Dr Mohamed Muizzu (@MMuizzu) July 12, 2026
މި ހިތާމަވެރި ދަނޑިވަޅުގައި، ރައީސް ވަނީ ޤަޠަރުގެ މިހާރުގެ އަމީރު، ޝައިޚް ތަމީމް ބިން ޙަމަދު އަލްޘާނީއަށާއި، އެ ޤައުމުގެ ޝާހީ އާއިލާއަށާއި، ސަރުކާރަށް އަދި ޤަޠަރުގެ ލޮބުވެތި ރައްޔިތުންނަށް ހަމްދަރުދީ ފާޅުކުރައްވާފައެވެ.
އެމަނިކުފާނުގެ މެސެޖު ނިންމަވާލައްވާފައިވަނީ އަވަހާރަވި އަމީރު ޝައިޚް ޙަމަދު ބިން ޚަލީފާ އަލްޘާނީގެ ފުރާނަފުޅަށް މާތްﷲ ރަހުމަތްލައްވައި، ސުވަރުގޭގެ ދާއިމީ ނިއުމަތް މިންވަރުކޮށްދެއްވުން އެދި ދުއާކުރައްވަމުންނެވެ.
ޝައިޚް ޙަމަދު ބިން ޚަލީފާ އަލްޘާނީއަކީ ޤަޠަރުގެ ޒަމާނީ ތަރައްގީގެ ބާނީގެ ގޮތުގައި ބެލެވޭ ބޭފުޅެކެވެ. އެމަނިކުފާނުގެ ޒައާމަތުގައި ޤަޠަރަށް އިގްތިސާދީ ގޮތުންނާއި އިޖުތިމާއީ ގޮތުން ބޮޑެތި ކުރިއެރުންތަކެއް ހޯއްދަވައިދެއްވާފައިވެއެވެ. އެމަނިކުފާނު އަވަހާރަވުމާ ގުޅިގެން ޤަޠަރުގެ ރައްޔިތުންނަށާއި މުޅި އިސްލާމީ އުންމަތަށް ވަނީ ބޮޑު ހިތާމައެއް ލިބިފައެވެ.
