ވޭސްޓް މެނޭޖްމަންޓް ކޯޕްރޭޝަން ލިމިޓެޑް (ވެމްކޯ) ގެ އާ ޑީއެމްޑީގެ މަގާމަށް ޝަހީދު އިބްރާހީމް އިއްޔެ އައްޔަންކޮށްފިއެވެ.
ވެމްކޯއަށް ދެވަނަ ޑީއެމްޑީއެއް އައްޔަނު ކޮށްފައިވާއިރު އެ ކުންފުނީގެ ޑީއެމްޑީގެ މަގާމުގައި ކުރީގެ މަޖިލިސް މެންބަރު މުހައްމަދު އަބްދުލް ކަރީމް ވެސް އެބަހުންނެވިއެވެ.
ޝަހީދަކީ 2001 ވަނަ އަހަރުން ފެށިގެން 2018 ވަނަ އަހަރާއި ހަމައަށް ސިފައިންގެއަށް 17 އަހަރު ވަންދެން ހިދުމަތް ކުރައްވާފައިވާ ބޭފުޅެކެވެ.
އެކްސްގައި ވެމްކޯގެ ރަސްމީ އެކައުންޓް އިން ކުރި ޕޯސްޓެއްގައި ބުނެފައިވަނީ އެކުންފުނީގެ ފަރާތުން ޑީއެމްޑީ ޝަހީދުއަށް މަރުހަބާ ދަންނަވާ ކަމަށެވެ. އަދި ކުނި މެނޭޖްކުރުމުގައި ދެމެހެއްޓެނިވި ހައްލުތަކެއް ހޯދުމަށް އެކުންފުނިން މަސައްކަތް ކުރަމުންދާއިރު، ޝަހީދުފަދަ ތަޖުރިބާކާރު ބޭފުޅަކު ވެމްކޯގެ ހިންގުމުގެ މަގާމެއްގެ މަސްއޫލިއްޔަތާއި ހަވާލުވިކަމީ ލިބިގެންދިޔަ ވަރަށްބޮޑު އުފަލެއް ކަމަށެވެ.
Warmly welcoming Shaheed Ibrahim as our new Deputy Managing Director!
We're thrilled to have his experience and leadership on board as we continue to strive for innovative and sustainable waste management solutions#WAMCO pic.twitter.com/MY1g1iP2v0— Waste Management Corporation Limited (WAMCO) (@WAMCOmv) April 23, 2024
ވެމްކޯގެ މެނޭޖިން ޑިރެކްޓަރަކީ މާލޭ ސިޓީ ކައުންސިލްގެ ކުރީގެ ސެކްރެޓަރީ ޖެނެރަލް މުޖުތަބާ ޖަލީލެވެ.
