ދުނިޔޭގެ ތެލުގެ ވިޔަފާރީގެ އެންމެ މުހިންމު މަގު ކަމަށްވާ ހޮރްމޫޒް ކަނޑުއޮޅީގައި އީރާނުން ދިން ޑްރޯން ޙަމަލާތަކަކާ ގުޅިގެން، ސައުދީ އަރަބިއްޔާއާއި ޤަތަރުން އީރާނާ ދެކޮޅަށް ވަރުގަދަ ބަޔާންތަކެއް ނެރެފިއެވެ. އަދި އީރާނުން ވަނީ ކަނޑުއޮޅިން ދަތުރުކުރާ ހުރިހާ ބޯޓުފަހަރަކުން މަޖުބޫރުން ”ސެކިއުރިޓީ ފީ“ ނަގަން ފަށާނެކަމުގެ އިންޒާރު ދީފައެވެ.
ޙާދިސާގެ މައިގަނޑު ކަންތައްތައް އަދި އީރާނުގެ ރައްދު:
އޮމާންގެ ލިމާ ކައިރިން ދަތުރުކުރި ވިޔަފާރި ތިން ބޯޓަކަށް އީރާނުން ވަނީ ގޮވާ ޒާތުގެ ޑްރޯން (ޔޫއޭވީ) ޙަމަލާތަކެއް ދީފައެވެ. މީގެ ތެރޭގައި ސައުދީގެ ބޯޓު ’ވެޑްޔާން‘ އަދި ޤަތަރުގެ އެލް.އެން.ޖީ ބޯޓު ’އަލް ރެކައްޔާތު‘ ހިމެނެއެވެ. ޤަތަރުގެ ބޯޓުގެ އިންޖީން ރޫމަށް ޙަމަލާ އެރުމާއެކު، ފަޅުވެރިން ވަނީ އެހީއަށް އެދި ގޮވައި، ވަގުތީގޮތުން ބޯޓު ދޫކޮށްވެސް ފައިބާފައެވެ.
މި ޙަމަލާތައް އެންމެ ހަރުކަށި އިބާރާތުން ކުށްވެރިކޮށް ސައުދީން ބުނީ މިއީ ދުނިޔޭގެ ހަކަތައިގެ ނިޒާމަށް ދިން ސީދާ ޙަމަލާއެއް ކަމަށެވެ. ޤަތަރުން ވަނީ އީރާނުގެ ޑެޕިއުޓީ އެމްބެސެޑަރު ހާޒިރުކޮށް، މި ޖަރީމާގެ ފުރިހަމަ ޤާނޫނީ ޒިންމާ އީރާނުން ނަގަންޖެހޭނެ ކަމަށް އަންގާފައެވެ.
މި ފާޑުކިޔުންތަކަށް ރައްދުދީ އީރާނުން ބުނީ، ކަނޑުއޮޅީގެ ސަލާމަތްތެރިކަން ބެލެހެއްޓުމަކީ ބޮޑު ޚަރަދެއް ހިނގާ ކަމެއް ކަމަށާއި، އެހެންކަމުން ދަތުރުކުރާ ކޮންމެ ބޯޓަކުން ފީ ނެގުމުގެ ފުރިހަމަ ޙައްޤު އީރާނަށް ލިބިގެންވާ ކަމަށެވެ. އަދި އޮމާނާއި އިނގިރޭސިވިލާތުން ހުށަހެޅި އައު ދަތުރު މަގުތަކަށް ދެކޮޅުހަދައި، ފީ ނުދައްކާ ބޯޓުތައް ހިފަހައްޓާނެ ކަމުގެ އިންޒާރުވެސް އީރާނުން ވަނީ ދީފައެވެ.
އީރާނަކީ މީ ދުނިޔެއަށް ޖެހިފައޮތް ބޮޑު ބަލާވެރި ކަމެކެވެ. އެއީ އަރަބިޔަން ގަލްފް އެވެ. އެތަނަށް ފާރިސީ ގަލްފޭ ހޮރުމުޒް ކަނޑުއޮޅި އޭ ކިޔައިގެން އީރާނުން ވެރިވެގަންނަން އެއުޅެނީ އެތަނުގެ އެއް ބިތުގައި އޮމާންވެސް އޮއްވައެވެ. ދުނުޔެފެށުނީއްސުރެން އެތަނުން ދަތުރުކުރަން ފަަރިސީންނަށް ފީއެއް ދޭކަށް ނުޖެހެއެވެ. އެމެރިކާ ކުރާވަރު އަދި ކުޑައެވެ.