”އިސްލާމީ ފަތުވާދޭ އެންމެ މަތީ މަޖިލިސް“ ގެ އާ މެންބަރުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އައްޔަންކުރައްވައިފިއެވެ.
އިސްލާމީ ފަތުވާދޭ އެންމެ މަތީ މަޖިލިސްގެ އާ މެންބަރުންގެ ގޮތުގައި އައްޔަންކުރައްވާފައި ވަނީ ޑރ. ޢަލީ ޒާހިރާއި ޑރ. މޫސާ އަންވަރު ޙަސަނެވެ.
އިސްލާމިކް މިނިސްޓްރީން ބުނީ މި ދެ މެންބަރުންގެ ތެރެއިން ޢަލީ ޒާހިރު އައްޔަންކުރެއްވީ ގާނޫނުގައި ބަޔާންކޮށްފައިވާ ގޮތުގެ މަތިން ދިވެހިރާއްޖޭގެ ގައުމީ ޔުނިވަރސިޓީ ނުވަތަ އިސްލާމިކް ޔުނިވަރސިޓީގެ އެކަޑަމިކް މުވައްޒަފުންގެ ތެރެއިން ރައީސުލްޖުމްހޫރިއްޔާ އައްޔަންކުރައްވާ މެންބަރުގެ ގޮތުގައި ކަމަށެވެ.
މޫސާ އަންވަރު ޙަސަން އައްޔަންކުރައްވާފައި ވަނީ މިނިސްޓަރުގެ ލަފާގެ މަތިން އައްޔަންކުރައްވާ މެންބަރެއްގެ ގޮތުގައެވެ.
މިހާރު ފަތުވާ މަޖިލީހުގައި ތިއްބަވާ މެންބަރުން:
- ފަޟީލަތުލްއުސްތާޛުއްޝައިޚު ޑޮކްޓަރު މުޙައްމަދު ރަޝީދު އިބްރާހީމް – ރައީސް އައްޔަންކުރެއްވި މެންބަރެއްގެ ގޮތުގައި
- ޑރ. ޢަބްދުއްސައްތާރު ޢަބްދުއްރަޙްމާން – ރައީސް އައްޔަންކުރެއްވި މެންބަރެއްގެ ގޮތުގައި
- ޑރ. މޫސާ އަންވަރު ޙަސަން – މިނިސްޓަރުގެ ލަފާގެ މަތިން އައްޔަންކުރެއްވި މެންބަރު
- ޑރ. ޢަލީ ޒާހިރު – ދިވެހިރާއްޖޭގެ ގައުމީ ޔުނިވަރސިޓީގެ އެކަޑަމިކް މުވައްޒަފުންގެ ތެރެއިން ރައީސް އައްޔަންކުރެއްވި މެންބަރެއްގެ ގޮތުގައި
- އައްޝައިޚް އިލްޔާސް ޙުސައިން – މިނިސްޓަރުގެ ލަފާގެ މަތިން އައްޔަންކުރެއްވި މެންބަރު
- އައްޝައިޚް އިލްޔާސް ޙުސައިން، (ސިޕާރ، ސ. ހިތަދޫ)، – ރައީސް ރައީސުލްޖުމްހޫރިއްޔާ ޢައްޔަންކުރާ މެމްބަރު
