ސަރުކާރުން ހިންގާ ބޯހިޔާވަހިކަމުގެ މަޝްރޫއުތަކާ ގުޅޭ މައުލޫމާތު ރައްޔިތުންނަށް ފޯރުކޮށްދިނުމުގެ މަގްސަދުގައި ހައުސިންގ މިނިސްޓްރީން ވައިބަރ ކޮމިއުނިޓީތަކެއް އުފައްދައިފިއެވެ.
މިކަމާ ގުޅިގެން ހައުސިންގ މިނިސްޓްރީން ބުނެފައިވަނީ، މި ވައިބަރ ކޮމިއުނިޓީތައް ހެދުމުގެ މައިގަނޑު މަގުސަދަކީ ބޯހިޔާވަހިކަމުގެ މަޝްރޫއުތަކާ ގުޅޭގޮތުން ސަރުކާރުން ނިންމާ ނިންމުންތަކާއި، ކުރިއަށްދާ މަސައްކަތްތަކުގެ ތަފްސީލް ލަސްނުވެ ރައްޔިތުންނަށް ފޯރުކޮށްދިނުން ކަމަށެވެ. އެހެންކަމުން، ބޯހިޔާވަހިކަމުގެ ޕްރޮގްރާމްތަކުގެ އެންމެފަހުގެ މައުލޫމާތު ހޯދުމަށް މި ކޮމިއުނިޓީތަކާ ގުޅުމަށް އެ މިނިސްޓްރީން ވަނީ އިލްތިމާސްކޮށްފައެވެ.
ބޯހިޔާވަހިކަން އެންމެންނަށް ސިޔާސަތާއި ބިންވެރިޔާ ސްކީމްގެ އެންމެ ފަހުގެ މަޢުލޫމާތުތައް ހޯދުމަށް ބޯހިޔާވަހިކަމުގެ ޕްރޮގްރާމުތަކުގެ ވައިބަރ ކޮމިއުނިޓީތަކާ ގުޅިވަޑައިގަންނަވާ!
ބޯހިޔާވަހިކަން އެންމެންނަށް: https://t.co/e4W0uX8ljQ
ބިންވެރިޔާ – ގުޅީފަޅު: https://t.co/hGdH2Qr87P… pic.twitter.com/CRk0qx965w
— Ministry of Infrastructure, Housing and Urban Dev. (@MIHUDmv) July 6, 2026
ބޯހިޔާވަހިކަމާ ގުޅުންހުރި މައުލޫމާތު ފޯރުކޮށްދިނުމަށް ޖުމުލަ ހަތަރު ވައިބަރ ކޮމިއުނިޓީއެއް ވަނީ އުފައްދާފައެވެ. އޭގެ ތެރޭގައި ”ބިންވެރިޔާ“ ސްކީމްގެ ދަށުން ގޯތި ލިބިފައިވާ ފަރާތްތަކަށް ހާއްސަކޮށްގެން ތިން ސަރަޙައްދަކަށް ބަހާލައިގެން އުފައްދާފައިވާ ތިން ގްރޫޕެއް ހިމެނެއެވެ. އެއީ:
- ”ބިންވެރިޔާ ހުޅުމާލެ“ ވައިބަރ ކޮމިއުނިޓީ
- ”ބިންވެރިޔާ ގުޅިފަޅު“ ވައިބަރ ކޮމިއުނިޓީ
- ”ބިންވެރިޔާ ގިރާވަރުފަޅު“ ވައިބަރ ކޮމިއުނިޓީ
- ”ބޯހިޔާވަހިކަން އެންމެންނަށް“ ވައިބަރ ކޮމިއުނިޓީ
މި ވައިބަރ ކޮމިއުނިޓީތައް މެދުވެރިކޮށް ބޯހިޔާވަހިކަމުގެ މަޝްރޫއުތަކާ ގުޅޭ އެންމެފަހުގެ އިއުލާނުތަކާއި އަދާހަމަތައް ލިބިގެންދާނެ ކަމަށް ހައުސިންގ މިނިސްޓްރީން ވަނީ ބުނެފައެވެ.
