ވެރިކަން ކުރާ ޕީއެންސީގެ ކުރިއަށް އޮތް އެތެރޭގެ އިންތިޚާބުގައި ހުޅުމާލެ ދެކުނު ދާއިރާއަށް ވަރުގަދަ އަދި ގާބިލް ޓީމެއް ނެރެފިއެވެ.
އެގޮތުން ހުޅުމާލެ ދެކުނު ދާއިރާގެ އަންހެނުންގެ ރައީސަކަށް ވާދަކުރަނީ އައިޝަތު ހަފީޒާއެވެ. ފިރިހެން ރައީސް އަކަށް ވާދަކުރަނީ އަހުމަދު ރިފްއަތެވެ. އަދި ނައިބު ރައީސް އަކަށް ވާދަކުރަނީ ސޯޝަލްމީޑިއާގައި އެންމެ ވަރުގަދަ އެއް އަޑު މަރްޔަމް ޝިއުނާ އެވެ.
ހުޅުމާލެ ދެކުނު ދާއިރާއަށް ވާދަކުރައްވާ އެހެން ބޭފުޅުން
- ޒުވާނުންގެ މެންބަރު ފާތިމަތު ލައުޒާ
- ސްޓިއަރިން ކޮމިޓީގެ މެންބަރު އާމިނަތު ޝަކީބާ
- ސްޓިއަރިން ކޮމިޓީގެ އަންހެން މެންބަރު ފާތިމަތު ޝަހުލާ
- ޒުވާނުންގެ ރައީސް އަހުމީޒު ސައީދު
- ސްޓިއަރިން ކޮމިޓީގެ މެންބަރު އަލީ ފާއިޒު
- ސްޓިއަރިން ކޮމިޓީގެ މެންބަރު އަބްދުﷲ ޝަމްއޫން
- ސްޓިއަރިން ކޮމިޓީގެ މެންބަރު މުހައްމަދު ޝުހައިލް
- ސްޓިއަރިން ކޮމިޓީގެ މެންބަރު ހަސަން ހަލީލް
ޕީއެންސީގެ އިސް ދައުރެއް އަދާކުރާ ގިނަ ބޭފުޅުން ހިމެނޭ މި ޓީމުން ބުނި ގޮތުގައި އެ ޓީމުގެ އަމާޒަކީ ހުޅުމާލެ ދެކުނު ދާއިރާ އަލުން ވިލުނޫ ކޮށްލުމެވެ.
މީގެ އިތުރުން ދާއިރާގެ ޕީއެންސީ މެންބަރުންގެ އަޑުއަހާ ޕާޓީގެ ރޫހު އަލުން ވަރުގަދަ ކުރުމަކީ ޓީމުގެ އަމާޒެކެވެ. ބަދަލަކަށް މި ޓީމަކީ އެންމެ ގާބިލް ޓީމުކަން އެ ޓީމުން ފާހަގަކުރެއެވެ.
ޕީއެންސީގެ ދާއިރާތަކުގެ އިންތިޚާބު އަންނަ ހޮނިހިރު ދުވަހު ބޭއްވުމަށް ހަމަޖެހިފައިވާއިރު، އަންނަ ސެޕްޓެމްބަރު މަހުގެ 15 އިން 18 އަށް ޕީއެންސީގެ މަތީ މަޖިލީސް ބާއްވަން ހަމަޖެހިފައި ވާތީ، އޭގެ ކުރިން ދާއިރާތަކުގެ އިންތިޚާބުގެ ކަންކަން ނިންމުމަަށް އެޕާޓީން ވަނީ އަމާޒުހިފާފައެވެ.
