އިންޑިއާގެ އުއްތަރް ޕްރަދޭޝްގެ ކާންޕޫރް ޑިސްޓްރިކްޓްގެ ހާތީޕޫރް އަވަށުގައި ބޭއްވި އެއްވުމެއްގައި، ހަރުކަށި ހިންދޫ ޖަމާޢަތެއް ކަމަށްވާ ”ހިންދޫ ރަކްޝާ ދަލް“ ގެ މެންބަރަކު މުސްލިމުންނާ ދެކޮޅަށް ލޭއޮހޮރުވުން ހިންގައި، ގިނަ ޢަދަދެއްގެ މުސްލިމުން މަރާލާނެ ކަމަށް ބުނެ ފާޅުގައި އިންޒާރުދޭ ވީޑިއޯއެއް ސޯޝަލް މީޑިއާގައި ދައުރުވާން ފަށައިފިއެވެ.
Location: Hathipur, Kanpur, Uttar Pradesh
We will not leave a single Muslim alive in Hathipur village.
During a protest against the murder of Golu Singh, Ram Gupta, a member of the HRD, hurled abuses at the Muslim community and openly threatened to carry out a massacre.. pic.twitter.com/vgaWpyTBcU
— The Muslim (@TheMuslim786) June 30, 2026
ވީޑިއޯއިން ފެންނަގޮތުގައި ލައުޑްސްޕީކަރު ބޭނުންކޮށްގެން، ގިނަ ޢަދަދެއްގެ ހިންދޫންގެ ކުރިމަތީގައި ހުރެ އޭނާ ވަނީ މުސްލިމުންގެ ނަސްލު ނައްތާލުމަށާއި، އެމީހުންގެ ގެދޮރު ހަލާކުކޮށް އަނިޔާވެރިވުމަށް ގޮވާލާފައެވެ.
ނިޒާމީ ނަސްލު ނައްތާލުމާއި ދައުލަތުގެ ބައިވެރިވުން
މިފަދަ ފާޅުކަން ބޮޑު އިންޒާރުތަކަކީ ހިންދޫ ނޭޝަނަލިސްޓް (ހިންދޫވްތާ) ލީޑަރުންނާއި ވެރިކަންކުރާ ސަރުކާރުގެ ބައެއް ސިޔާސަތުތަކާ ގުޅިގެން މުސްލިމުންނާ ދެކޮޅަށް ހިންގާ ނިޒާމީ ނަސްލީ ތަފާތުކުރުމާއި، ބިރުދެއްކުމުގެ ނުރައްކާތެރި އުކުޅުތަކުގެ ދަށުން ހިނގާ ކަންކަމެވެ. މުސްލިމުންނަކީ ދެވަނަ ދަރަޖައިގެ ބައެއްގެ ގޮތުގައި ހެދުމަށްޓަކައި ދީނީ ނަފްރަތާއި، ތަޢައްޞުބު (ބިގޮޓްރީ) އަދި ނަސްލީ ތަފާތުކުރުން ސިޔާސީ ހަތިޔާރަކަށް ހަދައި، ޤާނޫނުގެ ނިވާފަތްގަނޑުގައި މުސްލިމުންގެ ގެދޮރު ތަޅައި ބިމާހަމަކުރުމަކީ މިހާރު ދައުލަތުގެ ބައެއް އިދާރާތަކުން ހިތްވަރުދޭ ކަމެކެވެ.
އާންމު މީޑިއާތަކާއި ޕްލެޓްފޯމްތަކުގައި މުސްލިމުން މެރުމަށް ގޮވާލާއިރުވެސް ކަމާބެހޭ ފަރާތްތަކުން އެކަށީގެންވާ ފިޔަވަޅެއް ނޭޅުމުން ސާފުވަނީ، މުސްލިމުންގެ ދީނީ އަދި ޤައުމީ ޙަޤީޤަތް އިންޑިއާގެ ބިމުން މުޅިން ފޮހެލުމުގެ ނުބައި ނިޔަތެއް މިފަދަ ހަރުކަށި ޖަމާޢަތްތަކުގެ ތެރޭގައި އޮތް ކަމެވެ.
ފުލުހުންގެ އަޅާނުލުމާއި ސިޔާސީ އުކުޅުތައް
މިއީ އިންޑިއާގެ ޤާނޫނުލްޢުޤޫބާތުގެ ދަށުން ދީނީ ފިތުނަ އުފެއްދުމުގެ ބޮޑު ކުށަކަށް ވީނަމަވެސް، އުއްތަރް ޕްރަދޭޝްގެ ފުލުހުން މިހާތަނަށް އެ މީހާ ހައްޔަރުކޮށްފައެއް ނުވެއެވެ. ސިޔާސީ ނުފޫޒުގެ ސަބަބުން މިފަދަ ހަރުކަށި މީހުންނަށް ދަނީ ފުރިހަމަ ޙިމާޔަތް ލިބެމުންނެވެ.
މިފަދަ ހަމަނުޖެހުންތަކަކީ ޤައުމުގައި ހުރި އިޤްތިޞާދީ ބޮޑެތި މައްސަލަތަކާއި، ވަޒީފާނެތް މީހުންގެ ޢަދަދު ގިނަވުމުގެ މައްސަލައިން އާންމުންގެ ސަމާލުކަން އަނބުރާލުމަށް ލީޑަރުން ހިންގާ ސިޔާސީ އުކުޅެކެވެ. މީގެ ސަބަބުން އިންޑިއާގެ މުސްލިމުން ތިބީ ކޮންމެ ވަގުތެއްގައިވެސް ޙަމަލާއެއް އަތުވެދާނެ ކަމުގެ ބިރުވެރިކަމެއްގެ ތެރޭގައެވެ.
