ފިޠުރު އީދު ފާހަގަކުރުމާއި މުޖުތަމައުގެ އެކުވެރިކަން ބަދަހިކުރުމުގެ މަގުސަދުގައި ބޭންކް އޮފް މޯލްޑިވްސް (ބީއެމްއެލް) އިން ހަ ރަށެއްގައި އީދު ސައި ބާއްވައިފިއެވެ.
ބީއެމްއެލުން ބުނީ ރަށްރަށުގެ ކައުންސިލުތަކާއި ބައެއް ޖަމިއްޔާތަކާ ގުޅިގެން މި އަހަރުގެ އީދު ސައި ބާއްވާފައި ވަނީ ހއ. އުތީމު، ރ. ކިނޮޅަސް، އދ. ދަނގެތި، ތ. ވޭމަންޑޫ، ލ. ގަން އަދި ފުވައްމުލަކު ސިޓީގައި ކަމަށެވެ.
Eid Sai with our communities! ✨⁰⁰Eid mornings are made extra special by sharing an Eid Sai with our loved ones and community over a cup of black tea or coffee and some delicious treats.
We’re here to support the people of H.A. Utheemu to celebrate Fitr Eid with an amazing Eid… pic.twitter.com/uyDrVXsJHr
— Bank of Maldives (@bankofmaldives) April 10, 2024
”އީދު ސަޔަކީ ކޮންމެ އަހަރަކު ވެސް އެހާމެ ކާމިޔާބު އަދި ރަށްރަށުން ވަރަށް ބޮޑަށް ބަލައިގަންނަ އިވެންޓެއް. އެކަކު އަނެކަކާ ބައްދަލުވެ، ހިނިތުންވެލައި، ވާހަކަ ދައްކާލާ އަދި ކެއުމުގެ މަޖަލުގައި މީހުން އެކުވެރިކުރުވާ ކަމެއް. މިއީ ބޭންކަށް އަބަދުވެސް ވަރަށް ހާއްސަ އިވެންޓެއް،“ – ބީއެމްއެލްގެ ހެޑް އޮފް ޕަބްލިކް ރިލޭޝަންސް މުޙައްމަދު ސައީދު
ސައީދު ވަނީ މި އިވެންޓް ބޭއްވުމަށް އެހީތެރިވެދެއްވި ބީއެމްއެލްގެ ޓީމާއި ކައުންސިލުތަކުގެ އިތުރުން ޖަމިއްޔާތަކަށް ޝުކުރު އަދާކުރައްވާފައެވެ.
