ކްލަބް މޯލްޑިވްސް ކިޑްސަލް ޓޯނަމެންޓުގެ ޗެމްޕިއަންކަން އެސްޕަޔާ ހޯދައިފިއެވެ.
މިއަދު ހަވީރު ރެހެންދި ޓާފުގައި ކުޅުނު އެލީޓް ސްޕޯޓްސް ކްލަބް އަދި އެސްޕަޔާއާ ބައްދަލުކުރި މެޗުގެ ފުރިހަމަ ވަގުތު ހަމަވީއިރު ދެ ޓީމު ވަނީ 2-2 އިން އެއްވަރުވެފައެވެ.
2-2 އިން އެއްވަރުވުމުން ނަތީޖާ ނެރެން ޖެހީ ޕެނަލްޓީއެވެ. ޕެނަލްޓީގައި އެލީޓުގެ މައްޗަށް ކުރި ހޯދީ އެސްޕަޔާ އިންނެވެ.
ހުޅުމާލެ ރެހެންދި ފުޓްސަލް ދަނޑުގައި ކުރިއަށްދިޔަ މި މުބާރާތަކީ ކުލަބު މޯލްޑިވްސްއިން މުޅިން އަލަށް ބޭއްވި މުބާރާތެކެވެ. ކްލަބް މޯލްޑިވްސް ކިޑްސަލް ޓޯނަމެންޓުގައި ޖުމްލަ ދިހަ ޓީމުން ބައިވެރިވިއެވެ. މިއީ ޒުވާން ކުޅުންތެރިންގެ ހުނަރު ކުރިއެރުވުމަށް އެކަޑަމީތަކަށް އަމާޒުކޮށްގެން ކުރިއަށްގެންދާ ވަރަށް މުހިންމު މުބާރާތެކެވެ. މި މުބާރާތް ޚާއްސަ ކުރެވިފައިވަނީ އެކެޑަމީތަކުގެ 15 އަހަރުން ދަށުގެ އުމުރުފުރައިގެ ކުޅުންތެރިންނަށެވެ.
