ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) ގެ ޚިދުމަތްތައް ހޯދާ ރައްޔިތުންނަށް ލުއިފަސޭހަކޮށްދިނުމުގެ ގޮތުން، އެ އެޖެންސީގެ ކޯލް ސެންޓަރު އައްޑޫ ސިޓީގައި ގާއިމުކޮށް ޚިދުމަތްދޭ ވަގުތުތައް އިތުރުކޮށްފިއެވެ.
ޞިއްޙަތާއި، ޢާއިލާއާއި، އިޖުތިމާއީ އެހީއާ ބެހޭ ވުޒާރާގެ ދަށުން ހިނގަމުންދާ އެންސްޕާއިން ނެރުނު ނޫސްބަޔާނެއްގައި ބުނެފައިވަނީ، އެންސްޕާ އައްޑޫ އޮފީހުގައި ގާއިމުކުރި ކޯލް ސެންޓަރުގެ ޚިދުމަތް 1 ޖުލައި 2026 އިން ފެށިގެން ރަސްމީކޮށް ފަށާފައިވާ ކަމަށެވެ.
މި ބަދަލާއެކު، އެންސްޕާގެ ކޯލް ސެންޓަރުގެ ޚިދުމަތް ލިބޭ ވަގުތުތަކަށް ވަނީ ބޮޑު ބަދަލެއް ގެނެސްފައެވެ. ކުރިން ހަމައެކަނި ރަސްމީ ބަންދު ނޫން ދުވަސްތަކުގައި ހެނދުނު 8:00 އިން މެންދުރުފަހު 2:00 އަށް ދެމުންދިޔަ މި ޚިދުމަތް، މިހާރު ހަފްތާގެ 6 ދުވަހު (ހޮނިހިރު ދުވަހުން ފެށިގެން ބުރާސްފަތި ދުވަހުގެ ނިޔަލަށް) ލިބޭނެއެވެ. އަދި ޚިދުމަތްދޭ ގަޑިއަކީ ހެނދުނު 8:00 އިން ރޭގަނޑު 10:00 އާ ހަމައަށެވެ.
އެންސްޕާއިން ހާމަކުރި ގޮތުގައި މި ބަދަލު ގެނައުމުގެ މައިގަނޑު މަގުސަދަކީ އެ އެޖެންސީގެ ޚިދުމަތްތައް ހޯދާ ރައްޔިތުންނަށް ވީހާވެސް ފަސޭހަކަމާއެކު ޚިދުމަތްތަކުގެ މައުލޫމާތާއި، އެހީތަކާ ގުޅޭ އެންމެ ފަހުގެ އަދާހަމަ ހޯދުމަށް މަގުފަހިކޮށްދިނުމެވެ.
ނޭޝަނަލް ސޯޝަލް ޕްރޮޓެކްޝަން އެޖެންސީގެ ކޯލް ސެންޓަރު އެންސްޕާ އައްޑޫ އޮފީހުގައި ޤާއިމްކުރުމާއި، ޚިދުމަތުގެ ވަގުތު އިތުރުކުރުން pic.twitter.com/LfCOXFmTvc
— NSPA (@NSPAmaldives) July 1, 2026
މި އިސްލާހީ ބަދަލަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން އިޖުތިމާއީ ރައްކާތެރިކަމުގެ ނިޒާމު ހަރުދަނާކޮށް، ރައްޔިތުންނާ ގާތުން ޚިދުމަތް ދިނުމަށް ކުރަމުންދާ މަސައްކަތްތަކުގެ ތެރެއިން އެޅުނު މުހިންމު ފިޔަވަޅެކެވެ.
