ވެލާނާ އިންޓަރނޭޝަނަލް އެއަރޕޯޓް މެދުވެރިކޮށް ރާއްޖެއަށް ޒިޔާރަތްކުރި ފަސިންޖަރުންގެ އަދަދު މިލިއަނަށްވުރެ މައްޗަށް ގޮސްފިއެވެ.
މިއީ، އަހަރުގެ މިހާތަނަށް ރާއްޖެއަށް ޒިޔާރަތްކުރި ފަސިންޖަރުންގެ %97.3 އެވެ. ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުގައި، އަހަރުގެ މިހާތަނަށް 1،028،549 ފަސިންޖަރުން ވަނީ ރާއްޖެއަށް ޒިޔާރަތްކޮށްފައެވެ. މީގެ ތެރެއިން އެންމެ ގިނަ ފަސިންޖަރުން އައިސްފައިވަނީ، ވެލާނާ އިންޓަރނޭޝަނަލް އެއަރޕޯޓް މެދުވެރިކޮށެވެ.
ވަކިވަކި އެއަރޕޯޓުތަކަށް އައި މީހުންގެ އަދަދަށް ބަލާއިރު:
- ވެލާނާ އިންޓަރނޭޝަނަލް އެއަރޕޯޓް: 1،00،134 ފަސިންޖަރުން
- ގަން އިންޓަރނޭޝަނަލް އެއަރޕޯޓް: 4،057 ފަސިންޖަރުން
- މާފަރު އިންޓަރނޭޝަނަލް އެއަރޕޯޓް: 3،525 ފަސިންޖަރުން
- ހަނިމާދޫ އިންޓަރނޭޝަނަލް އެއަރޕޯޓް: 2،304 ފަސިންޖަރުން
- ވިލާ އިންޓަރނޭޝަނަލް (މާމިގިނލި) އެއަރޕޯޓް: 1،858 ފަސިންޖަރުން
- ދާލު އެއަރޕޯޓް: 825 ފަސިންޖަރުން
ޓޫރިޒަމް މިނިސްޓްރީގެ ތަފާސްހިސާބުތަކަށް ބަލައިލާއިރު، ދުވާލެއްގެ މައްޗަށް އެވްރެޖްކޮށް ރާއްޖެއަށް 5،980 ފަތުރުވެރިން އާދެއެވެ. އޭގެތެރެއިން އެންމެ ގިނަ ފަތުރުވެރިން މިހާތަނަށް އައިސްފައިވަނީ ޗައިނާއިންނެވެ. ޗައިނާއިން 160،811 ފަތުރުވެރިން ވަނީ ރާއްޖެއަށް ޒިޔާރަތްކޮށްފައެވެ.
ދެން އެންމެ ގިނަ ފަތުރުވެރިން ޒިޔާރަތްކުރި ގައުމުތަކަކީ:
- ރަޝިއާ: 143،161 ފަތުރުވެރިން
- އިނގިރޭސިވިލާތް: 84،545 ފަތުރުވެރިން
- އިޓަލީވިލާތް: 72،561 ފަތުރުވެރިން
- ޖަރުމަނުވިލާތް: 65،504 ފަތުރުވެރިން
ތަފާސްހިސާބުތައް ދައްކާގޮތުން ރިސޯޓުތަކުގައި ޗުއްޓީ ހޭދަކޮށްފައިވާ ފަތުރުވެރިންގެ އަދަދަކީ 721،2060 އެވެ. ގެސްޓްހައުސްތަކުގައި 237،168 ފަތުރުވެރިން ޗުއްޓީ ހޭދަކޮށްފައިވާއިރު، ހޮޓެލްތަކުގައި 24،816 ފަތުރުވެރިން އަދި ސަފާރީ އުޅަނދުތަކުގައި 20،922 ފަތުރުވެރިން ޗުއްޓީ ހޭދަކޮށްފައިވާކަން ފާހަގަކޮށްލަންޖެހެއެވެ.
