ހުޅުމާލެ ދެވަނަ ފިޔަވަހީގެ އިމާރާތަކުން 16 އަހަރުގެ ފިރިހެން ކުއްޖަކު ވެއްޓި، އެ ކުއްޖާގެ ހާލު ސީރިއަސްވުމުގެ ސަބަބުން ވެންޓިލޭޓަރުގައި ފަރުވާދޭން ފަށައިފިއެވެ.
މި ހާދިސާ ހިނގާފައިވަނީ ރޭގެ ވަގުތެއްގައެވެ. ފުލުހުން މައުލޫމާތު ދޭ ގޮތުގައި، ހުޅުމާލެ ފޭސް 2 ގެ ”އަމާން ދޯދި 5“ އިމާރާތުގެ ދެވަނަ ފަންގިފިލާއިން ކުއްޖަކު ވެއްޓިފައިވާ ކަމުގެ ރިޕޯޓު ލިބިފައިވަނީ ރޭ 23:14 އެހައިކަންހާއިރުއެވެ.
މި ހާދިސާގައި އަނިޔާވި ކުއްޖާ ފުރަތަމަ ގެންދެވުނީ ހުޅުމާލެ ހޮސްޕިޓަލަށެވެ. ނަމަވެސް، ކުއްޖާގެ ހާލަތު އިތުރަށް ގޯސްވުމާ ގުޅިގެން އިތުރު ފަރުވާއަށް މިހާރު ވަނީ މާލޭގެ އައިޖީއެމް ހޮސްޕިޓަލަށް ބަދަލުކުރެވިފައެވެ. އެނގިފައިވާ ގޮތުގައި އެ ކުއްޖާއަށް މިހާރު ފަރުވާ ދެމުންދަނީ އައިޖީއެމް ހޮސްޕިޓަލުގެ އައިސީޔޫގައި ވެންޓިލޭޓަރުގެ އެހީގައެވެ.
މި ހާދިސާ ހިނގަން މެދުވެރިވި ސަބަބެއް އަދި ސާފުވެފައި ނުވާއިރު، ފުލުހުން ދަނީ މި މައްސަލަ ވަރަށް ސީރިއަސް މައްސަލައެއްގެ ގޮތުގައި ތަހުގީގު ކުރަމުންނެވެ.
