ރާއްޖޭގެ މަޝްހޫރު ފޮތް ފިހާރައެއް ކަމަށްވާ ނޮވެލްޓީ ބުކްޝޮޕުން، އިސްލާމްދީނާ ޚިލާފު އަދި ކަނޑައެޅިގެން ޝިރުކަށް މަގުފަހިވާފަދަ ވާހަކަތައް އެކުލެވޭ ކުޑަކުދިންގެ ފޮތްތަކެއް ވިއްކަން ބަހައްޓާފައި ހުރި މައްސަލައެއް ފެންމަތިވެ، އާންމުންގެ ބޮޑު ނުރުހުމަކާއި ރުޅިވެރިކަމެއް ސޯޝަލް މީޑިއާގައި އުފެދިއްޖެއެވެ.
އިސްލާމްދީނާ ތަޢާރަޟްވާފަދަ ފޮތްތަކާއި ޢައިރު ދީންތަކުގެ ފޮތްތައް @NoveltyBookshop އިން ދަނީ ކެނޑިނޭޅި ވިއްކަމުން! މީގެ ކުރިންވެސް އެކިފަހަރު މަތިން ދިވެހި ރައްޔިތުން ވަނީ މިކަން ކަމާއި ބެހޭ ފަރާތްތަކުގެ ސަމާލުކަމަށް ގެނެސްފައި. އެޅުނު ފިޔަވަޅެއް ނެތް!
#NoveltyBandhukurey pic.twitter.com/dpuyTI6AbU— inkoftheisles (@inkoftheisles) June 21, 2026
މީގެ ކުރިންވެސް މިފަދަ ފޮތްތަކެއް ވިއްކައިގެން އާންމުންގެ ފާޑުކިޔުން އަމާޒުވުމުން އެ ފޮތްތައް ނެގުމަށްފަހު، އަނެއްކާވެސް ސިއްރުން މިފަދަ ފޮތްތައް ވިއްކަން ފެށުމަކީ ރާއްޖޭގެ އިސްލާމީ ވަޙުދަތަށް ދެވޭ ވަރަށް ބޮޑު ޙަމަލާއެއްގެ ގޮތުގައި އާންމުން ދަނީ ސިފަކުރަމުންނެވެ.
އާންމުންގެ ނުރުހުން އަމާޒުވުމުން ފޮތްތައް ނެގުން، އަދި އަނެއްކާވެސް ވިއްކަން ފެށުން
ސޯޝަލް މީޑިއާގައި ދައުރުވަމުންދާ ފޮޓޯތަކުން ފެންނަ ގޮތުގައި، ހިންދޫންގެ ކަލާނގެތަކާއި، ކްރިސްޓިއަނުންގެ ޢީދުތައް ޕްރޮމޯޓްކުރާ ކުޑަކުދިންގެ ފޮތްތައް ނޮވެލްޓީގެ ހަރުގަނޑުތަކުގައި ވަނީ އާންމުކޮށް ފެންނަން ބަހައްޓާފައެވެ. އާންމުން ފާހަގަކުރާ ގޮތުގައި މިއީ ނޮވެލްޓީން ގަސްތުގައި ހިންގާ ސިލްސިލާ ޢަމަލެކެވެ. މައްސަލަ ފަޅާއަރައި އާންމުން ރުޅިގަދަވުމުން ވަގުތީގޮތުން ފޮތްތައް ނަގައެވެ. ނަމަވެސް މައްސަލަ ފިނިވުމާއެކު އަނެއްކާވެސް ހަމަ އެފަދަ އެހެން ފޮތްތައް ފިހާރައަށް ނެރެއެވެ.
ކުޑަކުދިންގެ ސިކުނޑިތައް ތަޣައްޔަރުކުރުން
މި މައްސަލައިގައި އާންމުން އެންމެ ބޮޑަށް ކަންބޮޑުވަނީ، މިއީ ބޮޑެތި މީހުން ކިޔަން ހުންނަ ފޮތްތަކަކަށް ނުވެފައި، މިއީ ތުއްތު ކުދިންގެ ސިކުނޑިތަކާ ކުޅެލުމަށް ވަރަށް ރީތިކޮށް ކުރަހައި، ކުލަޖައްސާފައި ހުންނަ ފޮތްތަކަކަށް ވާތީއެވެ.
އާންމުން ހިއްސާކޮށްފައިވާ ފޮޓޯތަކުން ފެންނަ ހެކިތައް:
– ޝިރުކު ޕްރޮމޯޓްކުރުން: ”ފެސްޓިވަލްސް އޮފް އިންޑިއާ“ ގެ ނަމުގައި ހުރި ފޮތްތަކުގައި ހިންދޫންގެ ކަލާނގެތަކާއި، ޝިރުކުގެ ޢަމަލުތައް ކަމަށްވާ ”ދުުރްގާ ޕޫޖާ“ އަދި ”ގަނޭޝް ޗަތުރުތީ“ ފަދަ ކަންކަން ކުޑަކުދިންނަށް އުނގަންނައިދޭން ލިޔެފައިވެއެވެ.
– ކްރިސްޓިއަން ޢީދުތައް: ”ސާންޓާސް ލިޓްލް ހެލްޕަރސް“ އަދި ”އަ ސްޕެޝަލް ކްރިސްމަސް“ ފަދަ ނަންނަމުގައި ހުރި ފޮތްތަކާއި ބުދިސްޓުންގެ ފޮތްތައްވެސް ވަނީ ފެނިފައެވެ.
I didn't expect to see so many children's books about Christmas at the Novelty Garage Sale!
Is this so common in the Maldives now? pic.twitter.com/Vw0wlbLOlJ
— Amaany (@maani_AA) June 21, 2026
– ފާޙިޝް މުންކަރާތްތައް: ކުޑަކުދީންނަށް ޚާއްޞަ އެއްޖިންސުން ގުޅުން ހިންގުން ފަދަ އެލްޖީބީޓީ ލާދީނީ ފިކުރު ފަތުރާ ފޮތްތައްވެސް ވިއްކަން ހުރިކަން ވަނީ ފާހަގަކޮށްފައެވެ.
މި މައްސަލައާ ގުޅިގެން ފޭސްބުކް، އެކްސް، ޓެލެގްރާމް އަދި އިންސްޓަގްރާމް ފަދަ މީސްމީޑިއާ ޕްލެޓްފޯމް ތަކުގައި BoycottNovelty# (ބޮއިކޮޓް ނޮވެލްޓީ)، NoveltyBandhukurey# (ނޮވެލްޓީ ބަންދުކުރޭ) އަދި ”ޝިރުކު ހުއްޓުވާމާ“ ގެ ނަމުގައި ދަނީ ވަރުގަދަ ކެމްޕޭނެއް ހިންގަމުންނެވެ. އަދި މިފަދަ އިސްލާމްދީނާ ޚިލާފު ފޮތްތައް ޗާޕުކޮށް ވިއްކާ މައްސަލަ ބަލައި، ކަމާބެހޭ ފަރާތްތަކުން ވަގުތުން ފިޔަވަޅު އެޅުމަށް އާންމުން ދަނީ ގޮވާލަމުންނެވެ.
ތިބޭފުޅުން ނަށް ފަށް ފަށުން ޝުކުރިއްޔާ… މީ ކޮންމެހެންވެސް ހުއްޓުވަން ޖެހޭ ކަމެއް..ނުހުއް ޓުވިއްޖެއްޔާ…އަމަމލީގޮތުން ނުކުމެ ފިޔަވަޅު އަޅަން ޖެހޭ
އިސްލާމްދީނާއި ދިވެހި ގައުމުގެ ދިފާއުގައި ނޮވެލްޓީ މިހާރުން މިހާރަށް ބަންދުކޮށް ގާނޫނީ އަދަބު އަވަސްކުރުމަށް ގޮވައިލަނޑ.